De schadt-kiste der philosophen ende poeten

[p. 85]

Nievw liedeken op de wyse;
Onlancx was ick buyten der stee.

O Broeders nu wel voor v siet,
En wilt doch neerstich waecken,
VVant Momus mocht v int verdriet
Brenghen in alle saecken,
Hy sou Poësis laecken

En strooyen listich sijn fenijn,
Dus dan edel minnaers fijn,
VVilt haer altijt voorstaen.

Pallas die suyuer maghet vroet

Goddinne der wijsheden
Die heeft Bellona metter spoet
Onder den voet getreden,
Spijt Mars vol van onureden
Heeft sy onbooden daer
Apollo haeren broeder schoon,
Dat hy sou comen uyten troon
Seer haestelijck tot haer.

Sy sprack Apollo wilt v bruyt

Poësis nu vercieren,
Maeckt op v snaerspel soet geluyt,
En wilt haer hooft laurieren,

Vergaren in dit dal
De Helicons Goddinnen t'saem,
Op dat de minnaers aengenaem
Mach wesen haer gheschal.

Melpomine reyn edel jeucht

Comt wilt haer helpen dichten,
En maeckt de minnaers hert verheucht,
Hoet haer voor Soyles schichten,
Aurora sal verlichten
Met claerheyt vanden dach
Flora en al haer blomkens groen,
Dus wilt v haestich derwaerts spoen,
En nemt doch gheen verdrach.

Prince.

Prince Iupijn groot Godt vermaert,

VVilt Poësis bewaren,
En laten haer sijn onuervaert,
Bewaert haer voor beswaren,
Laet Mars altijt verharen,
En lijden veel torment,
Op dat Poësis d edel const
Op groyen mach in liefd' en jonst,
En blijuen ons ontrent.

ECCE GRATIA.

Sonder Liefde Niet.