Nievw liedeken; op de wyse:
Patientie is goet cruyt men seyt.
Compt voort, daer is in t'Mechels pleyn
Prijs, lof en eer te winnen,
Met goey leer-lijcke sinnen,
Elck sal geschieden recht,
Sijt nu vroom in t'geuecht
VVant Tmolus en Temis getron
Die sullen nou,, recht vonnis wijsen.
Pan nu geen voordeel meer en heeft,
VVant Midas moet verhaeren,
Pallas die jder voetsel geeft,
Sal hier veel wijsheyt baeren,
Dus wilt v niet beswaeren,
VVilt v eendrachtich paeren
Gesusters, die seer vroylijck sijn
T'elcken termijn,, in alle weghen.
Mijt Bachus en Selenus wel,
En wilt Phoebus naer trachten,
VVant jdder can deur haer opstel
Meer druck dan const verpachten,
Het blijckt, wilt hierop achten,
Die snel door Eiolus gewelt
Neer wort geuelt,, voor elck persoone.
Deur eersucht gaet in consten voort,
Hebt in t'leeren behaeghen,
Seer vlijtich nu de const oorboort,
En wilt geensins vertraghen,
Al leght Momus veel laghen
Deur twist, tweedracht en nijt
Om Reden-rijck te plaghen,
Met schimp, blaem en verwijt
In conste reyn, want deur Pallas
Sal hy seer ras,, verslaghen werden.
| |
Prince.
Dus ghy cloecke Poëten goet
VVilt d'edel const vermeeren
Voor die prinslijcke heeren
V nu seer vlijtich spoen,
Mackt dat den sin v werck verschoont,
Ghy wort gecroont,, met groen laurieren.
In Liefde Gvnstich.
|
|
Auteursrechtvrij