De schadt-kiste der philosophen ende poeten

[p. 47]

Liedeken op de wyse;
O Venus delicaet.

MAeckt vreucht sonder getreur
Goden ende Godinnen,
VVant den Mey nu in fleur
Iust staet om vreuchs ghewinnen,
Daphne die staet seer groen
Deur Apollos besproen,
En oock Siringa coen,
VVaer toe hem Pan ghinck spoen.

Gargaphia staet nou

Schoon om ons te vermeyden,
Daer de Heliaden trou
Hun seluen toe bereyden
Tot Dianas playsier
Met al haer Nymphen schier,
Ende oock Mirrha fier
Staet fraey in dat quartier.

Op Citheron maeckt vreucht,

VVant men daer siet verheuen
Philemon vol van deucht,
Baucis seer goet van leuen,
Alcithoes handt-werck staet
Daer schoon en delicaet,
Clitie oock gaey-slaet,
VVaer Phoebus henen gaet.

Op Hemus hoochste pleyn

Compt Cyparissus groeyen,
Dryope Lothos reyn,
Deur Orpheus beuroeyen,
Van sijn soet snaer-gheclanck
Krech Philomelas sanck,
Picus en Scylla ranck
Talus beyden niet lanck.

Prince.

Pomonaes hof staet schoon

Beplant deur Floraes daden,
Hyacinthus ten toon,
Aiax niet om versmaden
Staen daer ghelijcker hant,
Oock Adonis playsant,
Nercissus heel contant
Deur den Mey abondant.

Baert Vrevcht in Godt.