De schadt-kiste der philosophen ende poeten

[p. 26]

Nievw liedeken; op de wyse:
Venus edel Goddinne reyn.

COmt Iupiter ô cloecken Godt
Met v wonderbaer crachten,
VVilt Mommus den grooten sodt
En sijn gebroet versmachten,
Tot v doen wy ons clachten,
Om vreught te verwachten.

Siet Apollo met sijn verstant

Die wilt ons al verlichten,
Blusschen sal hy oock den brant
Van Cupidoes fel schichten,
Als dan sullen wy stichten,
Rhetorica dichten.

VVant de bloemkens die leden leet,

Sijn by naer al ontloken,
Deur dat het sweert van Mars vreet
Ons dunckt te sijn gebroken,
Hy meynt wel vier te stoken,
Maer men hopt t'sal croken.

Oock ghy Goden int generael,

VVilt ons met Pallas stercken,
Op datmen int' swerelts sael
Mocht sien ons vrome wercken,
Deur welck in alle percken
Men laet blijschap mercken.

Prince.

VVilt prinschlijcke Goddinnen reyn

Naer Parnassus v spoeyen,
Met t'water van die fonteyn,
Ons bloemkens wilt besproeyen,
VVaer deur sy sullen groeyen,
In reyn jonsten bloeyen.

Waeckt ende Bidt.

H.D.H.