De schadt-kiste der philosophen ende poeten

(1621)–Jan Thieullier– rechtenstatus



[pagina *5r]
Sonet. GHelijck een Magnet steen, d'ijser t'hemwaert can trecken Soo heeft een schoon Peoen, ghegroeyt in s'Mechels pleyn Ghetrocken menich gheest, vol Redenryck serteyn Wt menich Stede wyt, om Conste te verwecken Het scheen daer Helecon, all door het soet ontdecken Der Muijsen zoet gheclanck, van menich stemme reyn Poetelyck ghehoort, voor elck daer int gemeyn Soo dat Lanckneusich sach, nijt, met al haer hertnecken Momus Tong' viel int slot, al door sulcx fraey vertoon Om datmen voor Prijs gaff, menich groen Louwers Croon Zeer werdichlyck verdint, van elck Poet verheuen Die Hepocrenes vloet, en Aganippe schoon Hebben naer wt ghepompt, Cloeck elck voor sijn persoon Soo dat sulckx eer wel dint, in menich boeck ghescreuen. Naer dit een Beter. N. Perclaes