Den singende swaen

Hymnus In laudem Resurgentis Christi.

Vox: Nato Deo gloria solennis.

RE-sur-rexit di-e hâc solenni
Jesus Christus glo-ri-à perenni:
Laudes ergò di-ci-te gaudentes,
Laudes Iesu dicite canentes,
Vivus es ô Iesu!
Vivus es E-ma-nu-el;
A-dorate, a-dorate Jesum flexis ge-ni-bus,
A-dorate, a-dorete Iesum flexis ge-ni-bus.

[p. 173]

 

2. Congaudete nostro Salvatori,

 

Iesu Christo orbis Redemptori.

 

En! Apparet totus speciosus,

 

Iesus Christus totus gloriosus:

 

Vivus est Salvator, vivus est Emanuel.

 

Temperemus, temperemus ergò nos à fletibus.

 

Temperemus, temperemus ergò nos à fletibus.

 

3. O quis dicet gaudia Parentis,

 

Adhuc heri maximè dolentis!

 

O quis dicet gaudia Mariae,

 

Quae accepit hodiernâ die,

 

Quando ejus Natus vivus est Emanuel?

 

Exultavit, exultavit Sanctis cum Spiritibus,

 

Exultavit, exultavit Sanctis cum Spiritibus,

 

4. Jesum videt Dux Apostolorum;

 

Iesum videt Grex Discipulorum;

 

Iesum videt mulier Peccatrix,

 

Gratiarum Dei dissipatrix,

 

Omnibus his adest vividus Emanuel,

 

Gloriosis, gloriosis adest cum Vulneribus,

 

Gloriosis, gloriosis adest cum Vulneribus,

 

5. Osculemur vulnera Pastoris,

 

Nostri Sponsi, Ducis, & Rectoris,

 

Qui redemit suo nos cruore,

 

Quem effudit summo cum dolore.

 

Eja jam dicamus, Vivus est Emanuel,

 

Alleluja, alleluja, voce, plectro, cordibus,

 

Alleluja, alleluja, voce, plectro, cordibus,