Logo DBNL
Oerloy der ewigher wijsheit (1938)

Oerloy der ewigher wijsheit

(1938)–Henricus Suso–rechtenstatus Auteursrecht onbekend

Vorige Volgende

17Van der bliiscap van hemelrike dat xi cap.

18Staet op mine glorie, staet op mine melodie. Ic sal vroech op 19staen; wi brenghen u nu ene blide melodie ende spelen u zoeteleke 20mit der herpen ende geven u enen zoeten zanc, die van u werpt 21alle vreese ende verdriift alle uwen rouwe ende trect u van desen 22nederen dinghen ende verheft u toten oversten dingen mit groter 23vrouden ende bliiscepen. Nu staet op ende verheft die ogen uwer 24gedachten ende verschud die vlogele uwer begeerten ende bereit u 25te vlieghene op die vlogele der winde. / Verheft uwe ogen oestwaert+ 26ende aensiet dat men u thoent. Aensiet dat lant der gheloeften, 27die stat der onsterflicheit, dat hemelsche lantscap, dat paradies der 28gelost ende dat rike der ewiger salicheit. Want ghi seker in dese 29werelt vreemde siit alse ene pelgriim ende daer om zoe moetti u 30zeere haesten tot dier saliger gheselscepe uwer vriende die mit soe 31groter begeerten uws ontbeiden, opdatse u zoeteliken mochten 32ommehelsen ende mit hen doen sitten in die ewige bliiscepen. 33O ocht ghi wist mit hoe groter begeerten si u eenpaerlike ontbeiden,

tekstkritische noten

1op dat ghi in die hemelsche casteel siin mocht ende onverveert 2bliven van alle den geruchte der werelt. Maer alse een wiis / iagere+ 3voir sinen here ende een vrome riddere in den stride seldi alle dinc 4vromelike ende wiislike doen, dat ghi van genen voirspoede verheven 5en wort, noch van ghenen wederspoede te seere bedruct. Noch 6en ghene ieghenhede en sal u ververen, die si soe manlike ende 7soe sachtelike hebben verwonnen ende herpeinsen die daghe 8hairre pinen in groter bliiscepe hairs herten. Want zoe ghi hier 9meer om den name Gods mit geduldicheden doecht, soe ghi in 10den ewegen levene meer geloent zelt siin. O hoe mit groter glorien 11zal die ridder verhaven siin, die van dustanigen coninc van geduldicheden 12ende van gestadicheden voir alle heilige ende ingele 13soe groteleec gepriist zal worden. / Mit hoe groter glorien waendi+ 14zal die crone der victorien blicken, die mit zoe groten arbeide vercregen 15is? Claerre dan die sonne ende blickender dan die sterren 16sellen die wonden ende quetsuren scinen die om minen name hier 17ontfaen siin, daer u gheslechte soe edel sal siin ende dat getal 18uwer vriende soe ongetalleke, dat die vreemtste mensche sal u 19mit gewareger liefden naerre belanc siin dan moeder ende vader 20ende alle die u hier bestaen mogen sonder liefte ende caritate.

21- Die discipel - O hemelsche prince, ic bidde u dat gi geweerdicht 22ons meer van desen hemelschen hove te zegghene, op dat 23ict te meer begheer ende mi te meerder geduldicheit ghegeven worde+ 24/ in wederspoede. Eya mine lieve heer, hoe danich is die hemelsche 25zale ende die coninclike woninge ende wie siin die porteren ende 26die in saten? Weten si yet hoet mit ons hier gaet, want na uwe woerde 27dunct mi dat si alle weten des men hier pleget.

28- Die wiisheit - Nu stapphans verheft u ende staet op ende 29coemt haesteliken mit mi; ic sal u leiden tot der stat die u ziele 30begeert. Daer zeldi sien die diepe heimelike dinge godliker wondere. 31Boven die achtende spere die vele meer dan hondert dusentich 32werve meerre is dan alle aertrike, es noch een hoger hemel, die 33vierich gheheten is om sine overvloedege claerheit. Dit is die 34coninclike sale ende dat hemelsche hof / der heiliger geeste daer+

tekstkritische noten

1mi in loven alle creaturen ende verbliden alse die sonen Gods. 2Daer is gheset die hemelsce stoel ende die overclaer troen daer 3uut die onzaleghe engele overmids behaech hairs zelfs ghevallen 4siin ende daer die saleghe menschen toe vercoren siin. Siet nu aen 5die grote gloriose stat die van goude ende van gesteente wonderlike 6claer ende scone is ende uut haren poerten coemt ene zunderlinge 7hermaclike ghore. Hare strate siin van blickenden goude alse oft 8doir scinende glas ware ende op saphier is hair fundament, haer 9voerbalien siin van eenen steene die iaspis heet ende zi is gemaect 10van levenden stenen, ghestroit / mit bloemen ende mit blickenden+ 11paerlen geciert. O scoenheit die te verwonderen siit van allen 12menschen, ic en cans u niet langher voer gehouden. Siet nu openbaerlike 13zelve mit uwen ogen: siet een lant dat gheciert is mit 14sonderlinger scoenheit ende gheordineert mit alre hande maynieren 15der bliiscepen. Hier is scoenheit der lenten ende vruchtbaerheit 16des herfs, claerheit des oechts ende bliiscepe der brulochte; hier 17is dat dal der bliiscepe ende een minleec ghesichte, hier hoert men 18die hemelsche melodie ende die godlike vedelen ende iubilerende 19stemmen, hier verbliit hem alle dinc, hier volget die coer der 20magede onsen heer Ihesum na al singende. In eenre / stemmen+ 21verblidense hen allen, mit eenre minnen bernense alle, al dat gelieft 22ende men ghewenschen mach dat es hier overvloedichlike, hier en 23is niet dat verdroeven mach noch gene droefheit, maer al dat 24verbliden mach ende alle bliiscap, hier is eene nuheit der bliiscap 25ende ene eweghe zekerheit. Eya vroude ende bliiscepe. Nu want 26ghi hore soetheit gesmaect hebt ende in hare minnen bernt, soe 27omsiet u ende merct dese ontelleke menechte ende siet hoe si 28van den oersprongeleken beghinne drinken ende dronken worden, 29hoe zi dien godliken spiegel daer alle dinc in licht mit groter 30bliiscepen aen sien. Hen verwondert ende si en ghebreken niet, si 31/ ghebruken ende hem en verdrietes niet, meer al gebrukende+ 32lust hen vaste meer te gebrukene. Coemt noch naerre ende hoert 33hoe die coninghinne der maechde die ghi in sonderlinger lieften 34ende eren hebt, niet zonderlinger eren ende glorien overgaet die

tekstkritische noten

1hoecheit alre ordinen ende aenhangende haren lieve, omhangen 2mit bloemen, mit rosen ende mit lylien: aensiet hoe haer scoenheit 3alle ingle verbliit ende alle heiligen ende overzeere verwonderen 4doet. Nu coemt ons oec vore dat ghenoechlike aenscouwen dat 5gi van binnen zeere begeert hebt. Siet hoe die moeder der goedertierenheit 6ende der genadicheit hare ogen der ontfermicheit tot 7u ende tot allen sondaren ghekeert hevet ende hoe mogendelike / si+ 8boven al is ende die onsaleghe bescudt ende die sculdeghe versoent. 9Hier na keert u ogen der verstandicheit toter ingele nature. Siet 10hoe die overste engele van der ordinen der zeraphinne ende die 11zielen die van dien core siin ende mit godliker minnen bernen, 12hen in Gode alse ene bernende vlamme op rechten; hoe die ordene 13der cherubinne die volheit der godleker conste ontfaen, hoe sise 14voirt uut storten in die andere; hoe die trone ende hare medeplecheren 15in Gode ende God in hen rust. Daer na hoe die andere 16gheraerchie verlicht word van der eerster ende ghesonden worden 17haren dienst te doene nadat hen behoert ende gheheten wordt. Ach 18miin / lief, siet aen hoe scoenleke ende hoe edelike dese ontelleke+ 19menechte gheordineert is ende hoe si ghedistingueert ziin na 20menichvuldicheit van horen verdienten. O wonderlike bliiscap ende 21aenghesichte der wonderliker scoenheit ende overnemende genoechte. 22Aensiet noch hoe die apostelen ende mine zunderlinge vriende 23mit der hogester eeren mit mi dat oerdele gheven ende hoe die 24maertelaren blicken mit roder verwen ende die confessoren blincken 25mit den vierighen blicke ende die maechde scinen sneeleker witheit 26ende hoe al dat hemelsche ghesinde overvloyet mit godliker zoeticheit 27ende wort vervult mit godleker vrouden. Alle / dit hemelsche heer+ 28tegader gevoecht gheven vore den troen haren zoeten lof, die uutspringende 29rivieren maken dronken haer gedachten mit gheloste 30ende vervullen haer monde mit bliiscepen. O hoe salich is die 31stat daert altoes feeste is ende hoe blide is dat hof daer ghene sorge 32in comen en mach. Hierom mogen se wel salich siin die tot deser 33feesten ghenoed siin, die overmids dat verkiesen Gods mit dustane-

tekstkritische noten

1gher gheselsceppe siin mogen in der ewicheit. In dit hemelsche 2lantscep ende gloriose rike sel die ghetrouwe bruut geleid worden 3ende zal daer eweliken regneren ende ten lesten mit haren gloriosen 4lichame weder ghecleedt worden. Op haer hoeft / salse eene crone+ 5hebben die gheheten is aereola ende daer onder ene andere crone 6van goude.

7- Die discipel - Ic bidde u ghenadege zoeticheit, dat ghi ons 8zegt wat die guldene crone is ende wat aureola is.

9- Die wiisheit - Met der guldenre croenen verstaet men den 10weseleken loen ende mit aureolam den toevallegen loen. Die toevallege 11loen is ene bliiscep die coemt van den werken, die van hen 12gedaen siin die redene hebben der victorien, alse maertelare ende 13leraren ende maechden, die ieghen den duvel ende hare eyghene 14vleysch victorie behouden hebben. Die weseleke loen gheleget 15in die volcomene eeninghe der / zielen mit Gode, als si hem volmaecteliken+ 16siet, mint ende siins gebruuct. Die onghepaide begeerte 17der zielen en mach nimmermeer te male versaed worden, si en 18worde den afgront der Godheit sonder enich letsel gheenicht ende 19daer in verdronken. Aldus worden se volcoemelike ten lesten gheheilicht 20in sine hoge triniteit ende in sine simple enicheit. Ende 21soe si nu volcomeliker alle tidelike dinghe laet, zoe si vriliker geestelike 22dinghen scouwen mach. Ende soe si meer geesteliker werken doet, 23zoe zi daer salichliker verslonden wort in den afgront der godliker 24caritaten ende wordt een gheest mit hem, alsoe dat hi dat woerd 25van graci/en, dat God is van naturen. O hoe salich is die ziele die+ 26mitten scaren der ingele geselt is ende versaet mit den clareite 27dien Christus gevet ende mit zoeten omhelsene onsceidelike gheenicht 28is der overster triniteit. O onsprekelike rustinghe ende minlike 29overzoete zoeticheit deser rasten. Want ghi een discipule siit der 30eweger wiisheit ende gheset siit alse ene ander Beniamin in enen 31uutgange uwer gedachten, hermaect alluttel u ghepiint herte in 32dese rasteleke hermakinghe deser blider gheselscepe die ghi nu 33bi u siet. Besiet hoe blickende aenschine si nu hebben die zoe

tekstkritische noten

1vermoeyt waren van pinen ende versmaedheden, die si van den 2/quaden menschen om minen wille ghedoechden. Verheft u blide+ 3herte mit eenre dancbaerleker stemmen, ende die porteren van den 4hemelschen hove ende die huisgenoete Gods alse van verren groetse 5ende zegt ende spreecse ane in ene stemme der bliscep: Wair siin 6nu die scanden ende lasteren die wilen eer op u vielen? Waer siin 7nu u neigende hoede ende u neder ghesleghene ogen, die thonende 8waren die zwaerheit uws herten? Ic bidde u, wair is nu des inwendeghes 9herten bitende bitterheit? Wair siin nu u suchtingen ende 10u tranen, wair is nu u mager aenschiin om dusentich iegenheden? 11Ghebrec, armoede ende versmadenisse, wair siin si nu? Hoe is die 12weenlike stemme verstilt die ghi mit groten / versuchtene te zegghene+ 13plaget: Och miin God hoe vele eest dat ic gedoge; hoe lange zal 14ic dus ghecruust, gheproeft ende ghepiint worden. Wair siin si nu 15die u te versmadene plagen ende te quellene, die uwen arbeit 16namen ende u leven ter betterheit leidden? Nu en word niet meer die 17stemme ghehoirt die u te wapenen riep ende seide: proeft u manlike 18ende vecht iegen den viant, die werelt ende u vleesch ende oec 19nem den scilt, scueret u glavien ende bliift in die tinten; siit nacht 20ende dach ghewapent ende gord in der waerheit u lendenen. Noch 21die stemme en hoert men oec niet meer der heimeliker vermaningen 22des striits, die ghi in u zelven in den tide der visitacien ende der 23gracien te heb/bene plaecht doen ghi seit: Nu bereide dine ziele+ 24ter tamptacien, opdat alse die gheestelike bliiscep wech sceedt, ghi 25niet verslonden en wordt van ongeordineerder droefheit. Die 26stemmen en hoert men nu niet meer die ghi wilen eer soe geweenlike 27hadt: O miin God waerom hebdi mi gelaten ende waerom 28hebdi miins vergheten ende waerom ben ic dus bedroeft omdat 29mi miin viant piint? Maer ic hoor zoetelike in u herte luden ende 30seggen dese stemme der vrouden ende der bliscep: Coemt ghi 31ghebenediede miins vader, ontfaet dat rike dat u bereet is van den 32beghinne der werelt. Waer siin nu alle u tribulacien ende jeghen/hede;+ 33bitterhede ende onsalichede ende alle dat quade dat ghi in die 34werelt ghedoecht hebt? O miin God, hoe haestelike eest al leden

tekstkritische noten

1ende nu siinse ocht si noyt gheweest en hadden. Saen verthoendense 2hen ende saen warense temale verloren. O miin ghenadige God, 3hoe onbegripeleec ende verborgen siin u oerdele vanden zonen 4der menschen. Eya ghi vercoerene ende gheminde zonen Gods, 5nu is die ure comen dat ghi nemmermere vlien en zelt, noch in die 6hoeke u berghen, ghecleed mit oetmoedegen clederen alse onwaerdege 7ende verworpene menschen, die niet waerdich en ziin enegher 8eren, mer alse een lachter der menschen ende een verwerpinghe 9des volcs. Mit soe groter / eeren ende glorien sidi gecroent ende+ 10mit zoe groter hoecheit ende waerdicheit verheven in tiit ende in 11ewicheit, dat gheen mensche vertellen en mochte noch gheen 12tonghe ghespreken. O ghi hemelsche princen, o ghi edele coninghe 13ende keysere, o sonen des alre oversten Gods, die gheenicht siit 14der godliker naturen, mit hoe onghemetender bliscepe siet men u 15aenschiin overghegoten ende uwe herte ziet men overvloedichleke 16mit vrouden overvloeyen. Guldenne hoede draechdi die onseggelic 17blicken. Scone sidi van aenschine, blickende in uwen clederen, 18blide in uwen sange ende overscoenleke geciert. O hoe wel luden 19u zoete stemmen die zeggen mit dancke ende mit love: / Eya+ 20benedixie, macht, claerheit, wiisheit, dancbaerheit, ere ende mogentheit 21si hem in der ewicheit, bi wies ontfermicheit wi siin behouden 22ende regneren sellen sonder eynde in ewicheit. U sij lof, eere ende glorie 23in der ewicheit. Siet nu omtrent u dit gloriose rike vervult mit 24alre ghenoechten in den welken alle heiligen hen mit Christo verbliden. 25Ende is dit niet dat hemelsche lantscap, die woninge der 26rasten, die stat der wederghevinghen ende dat rike der ewigher 27salicheit?

28- Die discipel - O onghemeten wonder der diepheit dustaneger 29wondere, die overgaen alle verstandenisse des menschen, maer 30alleene Gode onzen heer bekent siin. O onbegri/pelijc afgront godliker+ 31diepheit, hoe grote wondere siin in u verborgen. O wat eest dat ic 32sie ende hore ende wat eest dat ic in mi zelven gevoele van den 33groten wonder Gods in deser stat, die ghene tonge ghespreken en 34mach. Vele gloriose dinghe siin van u gheseit, stat Gods, maer het

tekstkritische noten

1en is niet iegen dat in u is. Ic weet nu waerlike dat waer is, dat ic 2dicke van u ghehoert hebbe van uwen wonderen ende van uwer 3glorien, maer ic en gheloves den ghenen niet diet mi seiden tot dat 4ict zelve sach mit minen oghen. Doen wist ict wel dat mi die helfte 5niet geseit en was. Vele meerre is u wiisheit ende u glorie dan die 6mare was die ic van u hoorde. / Salich siin u manne ende salich siin+ 7u knechte, die ghene die altoes voer u staen, u wiisheit horen ende 8uwe glorie sien. Ende nu coninc der glorien, mach mit uwen oerlove 9u knecht sinen heer bidden ene clene bede ende ghi niet en confuust 10miin aenschiin: ic bidde dat voirtmeer u knecht hier blive mit u 11ende in siin huus niet weder en come. Ic bidde u, hoert uwen 12knecht die oetmoedeleec voir u neder gevallen leget ende gheeft 13hem enege stat hier met u te blivene in dese gloriose stat.

14- Die wiisheit - Dat en mach niet siin, noch en is die oetmoedicheit 15Sions niet vervult, noch en quam u ure niet. / Ghi+ 16hebt den tiit te vechtene, maer u tiit daer ghi in regneren soudt en 17quam noch niet. Dits nu die tiit dat ghi verdienen soudt. Die tiit 18zal noch comen dat men u lonen sal. Proeft u manlike, want ghi 19moet noch om dat gelove Christi vele stride hebben.


Vorige Volgende