Het Brussels moeselken


[Laet ons niet twisten, ofte keyven]
Stemme. N'ayons ny proces, ny querelles. Laet ons niet twisten, ofte keyven, Noch procederen nimmermeer Laet Hofsche pracht, en eydel eer,
[pagina 178]
En laet het sotte vryen blyven, Laet herssens, noch verstant, Aen gheen sorghe zyn verpant. Maer schinckt, en drinckt, spoelt de ghelaesen, Veracht de min, En 'tHofs ghesin, Laet 'tkryghs-volck raesen. 2. Waerom? moet-men door sotte grillen, Syn vrint, oft vyant, van syn lief, 'tWelck elck behaeght is syn gherief, Elck leeft in vreughden naer syn willen, Die lust heeft in den dranck, En acht gheen liefdens dwanck, Maer lacht, en schacht, by Bacchus baesen,
[pagina 179]
Veracht de min. &c. 3. Al die dan vreucht soeckt sonder sorghen, Preyst, rust, en vré, en vryigheyt, Die hem van 'tHof, en liefde meydt, En vindt gheen druck in hem verborghen, Weest lustigh, en verbleydt, Soo leeft ghy langhen tydt, Dus singht, en klinckt, wilt glas uyt-blaesen, Veracht de min. &c. 4. Drinckt vrinden dan een teught in't ronde, Ghetapt uyt d'edel Bacchus vat, 'tIs beter als d'Aptekers nat, Daer wordt ghesontheydt in bevonden, Drinckt elck eens rommendom,
[pagina 180]
Singht lustigh blyft niet stom, Verheught, in vreught, met Bacchus Baesen, Veracht de min. &c.