Sommighe nieuwe schriftuerelicke liedekens
(1599)–Frans vander Straten de jongere–
AuteursrechtvrijNae de wijse: Siet hoe fijn en lieflick mede, En hoe ghenoechelick ist, &c.GHeluck welvaert en Eere,
Moet u van Godt gheschien,
Door Christum onsen Heere,
Laet ons zijn lof vermeeren,
Nu en ten allen tien.
Al die hier zijn gheseten,
Deur Christum verheven leeft,
Om drincken en om eeten,
En laet ons niet vergeten,
Diet ons al ghegheven heeft.
Hy is ons Godt almachtich,
Wy staen al in zijnder hant,
Laet ons hem loven eendrachtich,
| |
[Folio J1r]
| |
Hy sal ons wt liefden crachtich,
Schencken zijn rijcke plaisant.
Hy is der sonden ontlader,
Dus smaeckt zijnder vreuchden keest,
Eet en drinckt alle gader,
Het wort ons ghesont vanden vader,
den soon en den heyligen geest,
Laet ons te samen spreecken,
den heere lof prijs en danck,
Sijn gratie is hier ghebleecken,
An ons menschen vol van ghebreecken,
die hier versaedt zijn met spijse en dranck.
Laet ons gehoorsaem wesen,
En altijt zijnen lof vermeert,
Wy zijn, zijn kinders ghepresen,
Alsoo wy in Matheeus leesen,
die ons aldus Bidden, leert.
Onsen vader vol alder same,
die daer inden hemel zijdt,
Gheheylicht sy uwen name,
V Rijcke toecome bequame,
Vwen wille schiede altijt.
Inden Hemel als opder aerden,
Gheeft ons heden ons daghelijckx broot,
En vergheeft ons Heere volwaerden,
Onsen schulder die ons oyt deerden,
Wy vergevense al cleen en groot.
En laet ons tot gheender spatie,
O Heere deur onse misdaet,
Niet vallen in gheen temtatie,
Maer deur u groote gratie,
Maer verlost ons heere van alle quaet,
| |
[Folio J1v]
| |
Want u is dat rijcke vol vreeden,
Verhoort ons o Hemelschen Godt,
Die cracht en Heerlick heeden,
Van nu tot inder eeuwicheyt mede,
Amen seggen wy voor een slodt
☞ ☜ |
|