Sommighe nieuwe schriftuerelicke liedekens

[Een scheyd Liedeken nae de vermaninghe]

op de wijse: Als nu mijn stonde voorhanden is, &c.

DEewijl die tijt voor handen is,
Dat wy hier moeten scheyden,

[fol. F3r]

 

Soo wil ons Godt alsoo ghewis,

 

Ghenadelick gheleyden, ⁺

 

Op dat wy dat betrachten voort,

 

Dat wy alhier hebben ghehoort,

 

En ons moghen bereyden.

 

Op dat wy dan soo in dien dach,

 

Staen aen zijn rechte Syde,

 

Als Christus sal maken ghewach, ⁺

 

Compt ghy Gheurdyde,

 

Besidt het Rijck dat u bereydt,

 

Is van begin in Eeuwicheydt,

 

Verlost van alle lyde.

 

Hierom soo laet ons naerstich zijn

 

Met bidden ende waken, ⁺

 

Op dat wy hier uyt dese pijn,

 

Tot sulcker vreucht gheraken,

 

By Godt en zijn Engelen schoon,

 

Hier boven in des Hemels throon,

 

Der Engelen spijse smaken.

 

O God daer nae staet ons begeert,

 

Laet ghy ons dat ghelinghen,

 

Dat uwen Naem worde ghe-eert, ⁺

 

Wat wy spreken en singhen,

 

Dat t'gheschiede met aendacht,

 

En met der daet ooc werd' volbracht

 

En ons boos vleesch bedwinghen.

 

Dat het den Geest gehoorsaem sy, ⁺

 

Dit cort verganckelick Leven,

 

Met uwer ghenaden woont ons by,

 

Vwen vre wilt ons gheven, ⁺

 

Haut ons in rechter eenicheyt,

 

Bewaert u Volck tot alder tijt,

+ Ma. 7-34

+ Mat. 23-34.

+ Mat. 26-40.

+ Mat. 6-9.
Col. 3-16.
Eph. 5-19.

+ Ro. 8-13.
Iob. 14-1.

+ Luc. 21-35.

[fol. F3v]

 

Tot ghyse sult verheuen.

 

En voeren in u eevwich rijck,

 

⁺Met der hemelscher scharen,

 

Hier mede wil ons ghenaedelijck

 

Godt al t'samen bewaren,

 

⁺Op dat wy moghen gheschickt staen

 

Als hemel en Aerde sal vergaen,

 

⁺En godt sal openbaren.

 

Ons siel en lijf in uwe hant

 

Doen wy, o heere, bevelen,

 

Blijft, ghy by ons tot aen het ent,

 

Soo moghen wy niet felen,

 

De wijl het moet ghescheyden sijn,

 

Willen wy godt lof singhen fijn,

 

⁺Een modich wt der Kelen.

 

V vader, soon, en heylich gheest,

 

⁺Eenighe godt met namen,

 

Als dat ghy hebt geschapen meest,

 

Saud' u loven te samen,

 

Nu wy scheyden aen desen cant

 

⁺Haut ons in uwer liefden bant,

 

Door Jesum Christum amen.

   ☞   ☜

+ 1. Thes. 4-17.

+ 2. Pet. 3-

+ 2. The. 1-7
Psa. 31-6.
Luc. 23-46.

+ Mat. 28-19.

+ 1. Io. 5-7.
Ps. 148..

+ Col. 3-14.