Sommighe nieuwe schriftuerelicke liedekens
(1599)–Frans vander Straten de jongere–
AuteursrechtvrijNae de wijse: Ghenade ende vrede moet u van Godt gheschien, &c.DIe volle wensch' mijns herten,
Is uwer Sielen welvaert,
| |
[Folio E6r]
| |
Voor alle druck ende smerten,
Dat u die Heere bewaert,
Mijn broeders inden Heere,
Ende susters vroom int ghemoet,
Ghetrau na Christus leere,
Haeckt nae de vrede soet,
Aen u ghy jonghe Ghesellen,
Schrijf ick mijn Liet ghemeyn,
Wt liefden gae ick dat stellen,
Tot prijs des Heeren Reyn,
Neempt ghy een Maecht te Echte,
Onder Gods kinderen bequaem,
Och latet ons toch te rechte,
Vergaren in zijnen naem.
Laet ons doch niet door moeten,
Nu soecken een Huys-vrau,
Met praten, schrijven oft groeten,
Waer met men t herte sau,
Wel trecken ende beweghen,
Schaut loose middelen quaet,
Wat batet alst niet te deghen,
Recht inden Heer toe gaet.
Godt conde wel een toevoeghen,
Adam die in slape lach,
Ende Isaac wel vernoeghen,
Met een die hy niet en sach,
Als Tobias weynich dochte,
God voechde hem toe Sara,
t'Waer goet dat wy oock sochte,
Voor al een vrome Ga.
Recht haer doch niet en spoorden,
Nae een rijck ofte jonghe ghesel,
| |
[Folio E6v]
| |
Maer die van recht toe hoorden,
Hier naer Godes wetten wel,
Volcht nae d'exempel der vromen,
t'Best dient ons te volgen naer,
Soo mach u met recht toecomen,
Een vrome vrau Eerbaer.
Laet u doen met verrucken,
Door Rijckdom ofte schoon gedaent
Ick duchte ten sal niet ghelucken,
Soo ghy 't best hadt ghewaent,
Wie dat alsoo beginnen,
Godt weet hoe dattet toegaet,
Dus wilt u wel versinnen,
Eer ghy die handen aenslaet.
Niet dat ick u wil raden,
Dat ghy een Vroom persoon,
Hieromme sout versmaden,
Al is sy rijck oft schoon,
Elck mach hem hier in beproeven,
Ghy gesellen en Maechden me,
Op dat doch gheen bedroeven,
V overcomen voor vre.
Hoe voort de Mannen hauwen,
Haer sullen inden graet,
Des echts teghen haer vrauwen,
Vraecht Paulum hier in Raet,
Ghy Gesellen en Maechden mede,
Ten besten verstaet mijn Liet,
Voortaen merckt elck mijn reden,
Al tot die Maechden siet.
Ghy dochteren bequame,
Onder Christus manier,
| |
[Folio E7r]
| |
Aen u lieden te samen,
Soo zijn mijn schriften hier,
Ick wilde u gheerne sparen,
Ende raden met Paulo recht,
Cont ghy u reyn bewaren,
Begeeft u niet inde Echt.
Die Heer tot Evam seyde,
Ghy sult met pijn en smert,Ga naar voetnoot+
Om dat ghy u man verleyde,
Baren u kinderen hert,
Onder des Mans subiectij,
Moet u wille zijn dit versint,
Dus maechden wilt u effectij,
Over leggen eer ghyt begint,
In die Schrifteur wy lesen,
Hy doet wel die daer traut,Ga naar voetnoot+
Maer t'waer beter ghepresen,
Die hem daer van onthaut,
Niet sondighen die vromen,
Maechden die trauwen maer,
Verdriet int vleesch sal comen,
Met meer becommeringhe swaer.
Sijt ghy van Godt vercooren,
Om te blyven een maecht eerbaer,
Wilt zijn stemme hier in hooren,
t Beste dient ons te volgen naer,
Op dat ghy in den ghebeden,
Godt looft nacht ende dach,
Ende ghy met uwen Leden,
Den Heere dienen mach.
Laet u herte niet met praten,
Noch door schriften trecken net,
| |
[Folio E7v]
| |
Maer stelt u altijt ghelaten,
Voor den Heere int ghebet,
Hy salt u wel openbaren,
Hoe hy't met u heeft voor sien,
Op dat doch u vergaren,
Recht inden heere mach gheschien.
Die heere met bidden en smeken,
Roept aen inder vreesen ent,
Ende niet in schoon wel spreken,
V herten anders went,
Soo het God geeft inde gemeenten,
Ende dient tot salicheyt,
Stelt u in als te vreden,
In gods wille met gehoorsaemheyt.
Elck neem zijnen roep waer,
Daer u God toe vercooren heeft,
Om te trauwen eerbaer,
Ofte Maecht te blyven gheeft,
En wilt God nu bevelen,
V saken en bidt hem stil,
Men mach doch niet te vele,
Doen des Heeren wil.
Och Maechden om waerschauwen,
Schrijf ick uyt liefden nu,
Voor geveynstheyt en flauwen,
Wilt neerstich wachten u,
Op dat ghy int aensoecken,
Spreeckt uyter herten fraey,
Als vromen ende cloecken,
Rebecca en Sara bey.
Oorlof hier inne ghy Maechden,
Dit metten herten singt,
| |
[Folio E8r]
| |
Ick woude dattet u behaechde,
Dat ghy't in dancke ontfinght,
Wat hier noch aen can resten,
Dat wel dient tot u vermaen,
Och haut my dit ten besten,
Wt liefden ist ghedaen.
Hoe schoon onder Godts natij,
Als Salomon secht,
Een suyvere generatij,
Der Liefden is oprecht,
Als met Isaac Rebecca,
En Tobias met Sara voldeucht,
Te recht zijn Syrachs reden,
Ter werelt niet meerder vreucht,
☞ ☜ |