Sommighe nieuwe schriftuerelicke liedekens
(1599)–Frans vander Straten de jongere–
Auteursrechtvrijende gaet op de wijse: Aenhoort mijn vrienden over al, &c.BEproeft u selven als nu ter tijt,Ga naar voetnoot+
En maeckt u van alle sonden quijt,
En wilt alsoo Christus nae ganghen,
Ist dat ghy overwinnende zijt,
Heerelicken loon sult ghy ontfanghen.
En weest oock hier niet wanckelbaer,
Maer stellet t'Licht op den Candelaer,
| |
[Folio D1v]
| |
Ga naar voetnoot+Op dat syt moghen mercken,
En prijsen uwen hemelschen Vaer,
Als sy sien uwe goede wercken.
En slaept niet inde sonden swaer
Maer neempt hier doch u selven waer,
Want wy en weten tijt noch ure,
Wanneer dat die Heere voor waer,
Sal commen en cloppen aen die dure.
Leght af alle onsuyverheyt,
Op dat ghy dan mocht zijn bereyt,
Waeckt ende bidt tot allen tijden,
Ist dat ghy hem alsoo verbeyt,
Ghy sult eeuwich met hem verblyden.
Can yemant bedencken den loon,
Die u dan wert ghegheven schoon,
Een cleet wit sonder smitten,
Ende op u hooft oock een croon,
Ja wie verwint salt al besitten.
En moghen wy niet zijn verblijt,
Als wy dencken om sulcken tijt,
Die eeuwelick sal duyren,
Altijt met vreucht en groot jolijt,
Maer die quade een eeuwich truyren,
Neerstich wilt strijden totter doot,
Al compter dickwils teghenstoot,
t'Sy vervolch, druck of lyden,
Bidt om s'Heeren ghenade groot,
En denckt oock op voor leden tijden.
Hoe sy waren met groot ghewelt,
Aen Palen en aen Staken ghestelt,
Al om het woort des Heeren,
Want het ons lijf ende siele ghelt,
| |
[Folio D2r]
| |
Mijn Vrienden als wy daer afkeeren. Ga naar voetnoot+
Oorlof op desen tijt niet meer,
Hier me bevele ick u den Heer,
Ende oock zijn ghenade, Ga naar voetnoot+
Hout u altijts aen Christus leer,
Waeckt ende lijdt vroech ende spade,
Een dinck is noodich al vooren, Ga naar voetnoot+
Dat is, dat niet en is, heeft Godt vercooren.
☞ ☜ |
|