Sommighe nieuwe schriftuerelicke liedekens
(1599)–Frans vander Straten de jongere–
AuteursrechtvrijOp de Wijse: Den Paus den Keyser goet, die groeten wy alle voren, &c.IN ancxst lyden verdriet,
Is Christi Bruyt bevonden,
Wreet, hatich alsmen siet,
Vervolcht, bespiet,
Aenghetast gierich, verradich,
Ende gedoot seer ongenadich,
Gedolven in aerde verslonden,
Wtghereckt pijnlick ghebonden,
Verbrant, verdroncken seer versmadich,
Door Jesabels raet en schalcke vonden.
Tot uwe profijte hoort,
Om dat ghy sout beerven,
Die heyliging met accoort,
Vwes Heeren woort,
Gedenckt dat ghy zijt deelachtich,
Des lydes Christi weest gedachtich
Heylsame vreucht sult ghy beerven,
Blyschap groot ende machtich,
Dat dit quade,
Sullen moeten derven,
Denck eens hoe Israel coen,
| |
[Folio B7v]
| |
Jerusalem moesten bauwen,
Met allen gestadighen doen,
Rechtwerckende haer hoen,
Stonden vrymoedich bin den percke,
d'Een hant hadden sy totten wercke
d'Ander hant sonder verflauwen,
Met haer God die stercke,
Teghen al die haer,
Wilden benauwen.
t'Rijck der Hemelen lydt gewelt,
Wilt vromelick daer voren strijden,
In u strijts wapenen u stelt,
t'Gelove vertelt,
Belooft staet u des levens croone,
Den volstandigen tot eenen loone,
Die waerheyt en wilt niet mijden,
Ghy sult noch hooren O mijn schoone,
Comt naer wilt u
Met my verblyden,
Christus u hooft is voren gegaen,
Volgen moeten oock al zijn leden,
Gheen quaet had hy ghedaen,
t' Lyden most hy ontfaen,
Voor u by Godt ist oock genade,
Dat ghy wel doet verdraecht die quade,
Lydt hier Gods proeve weest te vrede,
Gods Oordeel hier is u geen schade,
Als het den Sondaren,
Sal in eewicheden.
Verrysen sult ghy ende opstaen,
Heerlick het staet so gheschreven,
Al wort het in oneeren saen,
| |
[Folio B8r]
| |
Ghesayt met traen,
Maer u verworpen Lichame,
Sal die Heere maken bequame,
Gelijck zijn lichaem claer verheven,
Wie in hem ghelooft eersame,
Al storve die oock,
So sal hy leven,
Der Engelen ghelijck,
Ende als die sonne sult ghy dan blincken,
Al in dijns Vaders rijck,
Sonder beswijck,
Daer ghy by Godt den Heere sult verblien,
So hy is sult ghy hem sien,
Wie dat verwint wil hyt al schincken,
Wat Godt heeft bereyt en voorsien,
Noyt herte en hevet
Connen dincken,
V lichaem liet ghy doon,
Mijnen naem hebt ghy beleden,
Ontfanckt uwer glorien croon,
Den saligen loon,
Voor God sal ick u oock belijden,
Regneert met my t'eewigen tijden,
Den Vader hebbe ic voor u gebeden,
Geen leet voort aen sult ghy meer lyden,
Gebenedyde gaet
Int rijck des vreden,
Nu moet ick maken groot,
Salich moet ickse prijsen,
Die om die waerheyt bloot,
Hebben geleden noot,
t Rijck der Hemelen sullen sy erven,
| |
[Folio B8v]
| |
Die quaden sullen eewich sterven,
Godts recht sal dat also uyt wijsen,
Den Gelovigen ruste groot,
Den vervolgers pijn,
d'Eewich afgrijsen,
Looft den Heere altijt,
Tot vrede heylich wilt u geven,
Daer toe ghy gheschapen zijt,
In weldaet u verblijt,
Laet al u woorden ende u wercken,
Tot Godts prijs zijn en u verstercken,
Oeffent die Godsalicheyt verheven,
Op Christi daet wilt neerstich mercken,
So hebt ghy belofte,
Van t'eewich leven.
|
|