Refereinenbundel, Anno 1524

Reffereijn CCXXVIII
Hoe mach v scheyden dus licht ghesijn ⁺

O Sceijden du bitter spijse van smake
die damoruese herten quelt
Op v mach ic wel roipen wrake
Ende op fortune want ghy syt die sake
daer alle mijn vruecht wert by gheuelt
Och lief aen wien mijn herte helt
mit onderdanigher liefden fijn
Heeft liefde in v nu gheen ghewelt
Daer ick al myn hert heb op ghestelt
Hoe mach v scheyden dus licht ghesijn ¹⁰

+ In den titel is ghe van ghesijn in marg. r. bijgeschreven.

10 v boven den r. bijgeschreven.

[p. 189]

 

Recht ist dat blijscap groijt en juecht ¹¹

 

duer liefden versaemt een lieflick paer

 

Want ten es gheen meerder solaes of vruecht

 

Dan lief bij lieue te sijn verhuecht

15

ic wetet bijder experiencien claer

 

Al waer enen dach lanck seuen jaer

 

v by wesen waer mij een medicijn

 

⁺Want sceijden en maect niet dan druck en vaer

 

En menighen minnaer therte swaer

20

hoe mach v scheijden dan dus licht ghesijn

 

 

 

Ghelijcks sdaechs claerheijt verkeert int swerte

 

ende tblincken der sonnen is dan ghedaen

 

Soe verkeert duert scheijden vruecht in smerte ²³

 

Dan verwennende elc amorues herte

25

dat vierich van minnen is bevaen

 

Alst daer moet aen een scheijden gaen

 

ende elc lief derft daer / sijns liefs aenschijn

 

Wat costet menighen heten traen

 

Ende therte moet swaerlic in sorghen staen

30

hoe mach v dan scheyden dus licht ghesijn

 

 

 

Princhesse

 

 

 

Die mijn troost sijt principael

 

daer ick alle myn hoop op stichte

 

Myn hert wensch ick soe hart als stael

 

Op dat niet en veste der minnen strael

35

So my cupido wont met venus schichte

 

V minlick wesen v vriendelick ghesichte

 

heeft soe doerwont dat herte mijn

 

Dat my die doot waer een ghedichte

 

Mij perset dat scheijden doer een ghewichte

40

hoe mach v dan scheyden dus licht ghesijn

11 de ij van groijt verb. uit eene onvolm. e

+ Fol. 309^v (iij^cv)

23 de d van duert verb. uit v