Refereinenbundel, Anno 1524

[p. 190]

Reffereijne CCXXIX
⁺En volchter gheen duecht soe ist al niet

Al haddick allet goet der werelt ghemene
Gout siluer ende costelijke steene
ende dbedwanck van alle ertsche diere
Al mocht ic alle die werlt regieren alleene
Ende al datter in es groot en clene
dat hem van mij wilde laten bestieren
Al const ick die const in alle manieren
die mandeuijl ende virgilius consten
Al stonden mij te dienste alle venus camerieren
die noijt man dienden met reijnder jonsten
Ende sij mij alleen te dienen begonsten
natuerlick nae swerelts bediet
en volchter gheen duecht soe ist al niet

Al had ick alle instrumenten
Daghelicks tot mynder tafelen te renten
musijcken herpen veelen ende luijten
Ende alle die constighe batementen
Met personagien met omuergenten
die oijt in brabant waren of daer buijten
Al kendick alder cruden virtuten
ende sij mij elcs als fonteijnen spronghen
Al consticse in mijn camer besluijten
⁺ende sij mij als nachtegalen songhen
Al mocht ick vry staen onbedwonghen
ende weten al datmen hoort of siet
en volchter gheen duecht soe ist al niet

Al hadick van alle wynen den smake
Met vruechden onder venus dake
ende van alle specien den guere
Ende alle dinghen tot mynen ghemake
Soe datmij nemmermeer iet en ghebrake

+ Fol. 310 (iii^c i)

+ Fol. 310^v (iii^c i^v)

[p. 191]

 

dat waer voer mij een auentuere

 

Al hadick alle dinghen tot mijn cuere

 

deen te laten ende dander te kiesen

35

Ende nemmermeer tot gheender vren

 

gheen van allen en mocht verliesen

 

Al const ic die soute see doen vriesen

 

ende weten al datter binnen gheschiet

 

en volchter gheen duecht soe ist al niet

 

 

 

Prinche

 

 

40

Jesus verleen ons goet ⁴⁰

 

dat onser sielen salich sy

 

Neringhe weluaren ende sulcke voerspoet

 

dat wy vander doot moghen wesen vrij

 

Soe dat wij goods rycke comen bij

45

daer dewighe vruechd es sonder letten yet

 

mer volchter gheen duechd soe ist al niet ⁴⁶

40 de r van verleen verb. uit het eerste ged. eener e

46 het eerste staafje der m in mer verb. uit eene onvolm. e en de l van volchter naderhand bijgeschr.