Refereinenbundel, Anno 1524

[p. 187]

Reffereijne CCXXVII
Gheen last soe swaer alst tpack der minnen ⁺

O Swaer ghepeijs vol tribulacien
Oerspronck wortele der lamentacien
altijt dolacien vol drucks mispresen
Ghij doerknaecht mij thert tot elcker spacien
Mordadighe quale vol der blammacien
hoe condi dus wreet te mywert wesen
Jc salt besteruen ducht ick by desen
en nemmermeer ghenesen / wat sal ic beghinnen
Ten sij dat troost wat sij verresen
gheen last soe swaer alst tpack van minnen

O pack der minnen seer quaet om laden
⁺O felle fortune vol onghenaden
al mijn beraden is nu min dan niet
Jc moet doer v in drucke baden
Want venus en coomt mij niet in staden
sij is die ghene die mij verriet ¹⁶
Jck meijn ic die fortune mitten voeten stiet
noijt swaerder verdriet wilt mij versinnen
Noch segick voort nae deerste bediet
gheen last soe swaer alst tpack van minnen

Die tpack der minnen dus heeft ghedraghen
Swaer valt sijnen last vol venus plaghen
seer onuersaghen / quaet wreet en fel
Mer mocht haer dlichaem van mij behaghen
Jc woudse beminnen voer vrienden en maghen
nochtans dweijgheren vuecht den vrouwen wel
Al valtse wat stuers doer venus beuel
al es sij rebel / mocht ick noch verwinnen

+ In den titel is de p van tpack verb. uit f

+ Fol. 308^v (ii^c xcix^v)

16 het tweede gedeelte der ij in sij verb. uit e

[p. 188]

 

Twaer mij vruecht dat my was ghequel

30

gheen last soe swaer alst tpack van minnen

 

 

 

Prinche

 

 

 

Altijt groijende reijn int aenschouwen

 

Wat heeft mij lacen druck ghebrouwen

 

venus in trouwen / noijt bitterder dranck

 

Tleuen wort mij suer / therte vol rouwen

35

Nu ic moet deruen tbloijsel van vrouwen ³⁵

 

⁺die bloeme verheuen teghen mynen danck

 

Haer wesen es my te wets suer en vranck

 

in droifheijts ghelanck ic bints te binnen

 

Nochtans neem ick tot huerwert den ganck

40

gheen last soe swaer alst pack van minnen

35 de l van tbloijsel verb. uit o

+ Fol. 309 (iii^c)