Refereinenbundel, Anno 1524

Reffereijne CCXXVI
Jck binder in ick en macher niet duere

O ffelle goddinne venus vrouwe
hoe deerlick brengdj mij inden brant
Het schijnen al draken die ic aenschouwe
sonder een kersouwe / die wast int lant
Dat mach ic wel segghen eij lacen want
Doen ick eerst vant
haer suet samblant / en thelzen vol minnen
Was haer verstant
⁺een herte playsant vol eere binnen
Dies ick ontsinnen wane telcker uren
ick bin der in ic en macher niet duere ¹¹

+ Fol. 307^v (ii^c xcviii^v)

11 en boven den r. bijgeschreven.

[p. 186]

 

Est niet grouwelic ende swaer om lijen ¹²

 

dat ic moet deruen haer lustich haer

 

Al mostick den groten torck bestrijen

15

ende niet vertijen / haer aenschijn claer

 

Myn sorghe mijn last en waer niet soe swaer

 

Aldus nu voerwaer

 

och hondert jaer / dunckt mij den dach

 

Mocht ick een paer

20

nu hier nu daer / doen myn beclach

 

Mer neen ick ach schoon liefste figuere

 

ic bin der in ick en macher niet duere

 

 

 

Nae ghenen troost en derf ick haken

 

mits haer eere ende mijn verbont

25

Och en coom ick haer niet ter spraken

 

dat syn die saken die my hebben ghewont

 

Haer schoone suete leeden ghesont

 

Den roden mont

 

die borstkens ront / doen absenteren

30

Myns hertsen gront

 

wort al doerwont / int ordineren

 

Wat sal ic versieren / hoe dat ic truere

 

ic bin der in ic en macher niet duere

 

 

 

⁺Princesse

 

 

 

O princesse kersouwe verheuen

35

bij wiens liefde ic mij ontpaste

 

Vruecht ende weluaert syn achter bleuen

 

die hebt ghij verdreuen / mit twyfels maste

 

Al hadic nobels ende icker kisten vol taste

 

Ja tot den hemel vaste

40

soe en hadic gheen raste / schoon wijflick schijn

 

Ghij en had mij te gaste

 

daer ghij ontlaste / mijn grote pijn

 

Och ten mach niet syn / dus spreeckic als voere

 

ick binder in ic en macher niet duere

12 de i van grouwelic verb. uit c

+ Fol. 308 (ii^c xcix)