Refereinenbundel, Anno 1524

[p. 184]

Reffereijn CCXXV
Wantliefs oghen connen liefs ghesichte verblijen ⁺

Oochskens wiens crachtighe vierighe stralen
Dalen / doer die oghen / jnder herten gront
Cont / ist mij duer liefs suet verhalen ³
Falen / moet my liefs troostighe mont
Jont / myn oochskens die myn hert hebt duerwont
Stont dat ic mach crijghen troostighe gracie
Salutacie / haer te bien es my een vont
⁺Ront / onbesneden is mijn ijmaginacie
Desperacie / maect in mijn hert groot arguacie
Recordacie / faelgeert mij in alle sijen ¹⁰
Strijen / lij ick doer der oghen visitacie
Murmuracie / laet ic doer die oghen lijen
want liefs oghen connen liefs ghesichte verblijen

Tsijn oochskens die de eerste vlamme gheuen
Sneuen / coomt wt die oghen ter herten binnen
Minnen / doet meest in drucke leeuen
Beuen / moet die sulc doer liefs ghewinnen
Tbeghinnen / der lieften doet lopen en rinnen
Spinnen / connen die oghen der lieften draet
Raet / behoeft doer oghen o ionghe sinnen
Kinnen / mach elc wel der nijders saet
Quaet / es om scouwen der lieften graet ²²
Slaet / scimpers van v die duecht benijen
Vryen / moet sulc doer der oghen ghelaet
Tractaet / der oghen doet druck vertijen
want liefs oghen connen liefs ghesichte verblyen

Oft die oghen hadden der tonghen crachten
Wachten / soude elc syn liefste kersouwe

+ In den titel is de laatste e van ghesichte boven den regel bijgeschreven.

3 de r van verhalen boven het woord bijgeschreven.

+ Fol. 306^v (ii^c xcvii^v)

10 de t van faelgeert boven den r. bijgeschreven.

22 de s van scouwen verb. uit eene onvolm. c

[p. 185]

 

Nouwe / en soude yemant syn in clachten

30

Achten / soude elc die oghen te claren bescouwe

 

⁺Rouwe / waer versteken in elcke vouwe

 

Trouwe / soutmen sien openbaren

 

Claren / souden die oghen bij sueten douwe

 

Vrouwe / waert myn lief in corten iaren

35

Verharen / most druc ende ter jonst hem paren

 

Sparen / en soudic noch die oghen vermijen

 

Ryen / soudic daer die oochskens waren

 

Varen / soudic daer ende in vruechden scrijen

 

want liefs oghen connen liefs gesichte verblijen

 

 

 

Princhesse

 

 

 

Dijn amoruese duechdelijke oghen

 

Moghen / mij roepe inder vruechden crijen

 

Snijen / moechdi myn hert tuwerts gheboghen

 

Droghen moechdi my van drucs partyen

 

want liefs oghen connen liefs ghesichte verblijen

+ Fol. 307 (ii^c xcviii)