Refereinenbundel, Anno 1524

Reffereijne CCXXIV
This quaet te weygheren datmen gern doet

Men seijt ende this een ouwe doctrijne
This quaet mit droeuer herten blij te sijne
hoet is nootsake veracht veel dinghen
Nochtans dunct mij veel ander pijne
Een vrolick herte mit droeuen schijne
want lust der natueren wilt altijt springhen
Daer hem in deen of in dander moet dwingen
Och wat groter ghenuechten ryst hem van binnen
⁺die sijnen eijghen wille moet met droefheyt menghen
Contrarie den appetijt der sinnen
Mer bouen al nae mijn bekinnen
soe segic al ist dat ghebueren moet
This quaet te weygheren datmen ghern doet

Men seijt / weijgheren staet den vroukens wel
This waer / ic prijst / scaemte doet dat beuel
mer anders sijnt al vreemde cueren ¹⁶
Begheerte te weijgheren is groot ghequel
Want het is beueijnstheit ende niet el
ende een bespottinghe der eijgher natueren
Al moet lief om liefs wil wat besueren
therte spreect dicwil teghen den mont

+ Fol. 305^v (ii^c xcvi^v)

16 de s van anders boven den r. bijgeschreven.

[p. 183]

 

Vrouwen sin verkeert oeck telker uren

 

dies moetmen verwachten tijt en stont

 

Die sommighe weijghert twaer hem nochtans een vont

25

mer ic weet certeyn ick bints oeck vroet

 

tis quaet te weygheren datmen ghern doet

 

 

 

This castumelic ende ic wilt vercleren

 

Wanneermen vrouwen biet haer begheren ²⁸

 

dat sij hen aldermeest weijgheren dan

30

Ja recht oft sy hen souden weren

 

Wel wetende dat hen niet en soude deren

 

makende sulc samblant nochtan

 

⁺Voerwaer dat verwondert menighen man

 

die hen niet en weijgheren voerden vrouwen

35

Soe veere als hy dat vermoeghen can

 

haer begheerte blijft al behouwen

 

Dus waen ic dat die meyskens oec wesen souwen

 

mer neense nochtan segic seer soet

 

tis quaet te weygheren datmen ghern doet

 

 

 

Prinche

 

 

40

Die te seer weygheren haer

 

Bliuen wel verachtert somtijts seuen iaer

 

ende bescamen menighen ermen bloit

 

Jc prijse wel weijgheren int openbaer

 

Voer clappers beroemers / mer voerwaer

45

beleefde ruters hues ende goet

 

dien ist quaet weijgheren datmen ghern doet

28 de h van haer verb. uit b

+ Fol. 306 (ii^c xcvii)