Refereinenbundel, Anno 1524

Reffereijn CLXXV
Al truer ick / noch en sterf ick niet

O God oftmense kennen mochte
die den anderen thonen een schoon ghelaet
En noijt te gronde en quam int ghedochte
anders dan woerden sonder daet
O maria daer alle myn troost aen staet
ic claghet v want ghyt aen my siet
Niet te min ick hope noch beteren raet
al truerick / noch en sterf ic niet ⁸

Schoon woerden en costen niet en twint
soe wel hem diese gheuen can

8 na en is se doorgeh.

[p. 89]

 

Mer al bedroghen dat hy hem vint

 

die hem daer om ruert tsy wyf oft man

 

Ick hebbe soe veel gheproeft daer van

 

ic en gheloue nijemants meer wats ghesciet

15

Oeck wil ic tbeste hopen nochtan

 

al truer ic / noch en sterf ick niet ¹⁶

 

 

 

Die sommighe syn my nu af ghegaen

 

⁺ic hadde haer wel ziel en lyf ghelooft

 

Mer lacen nu sy my sien ter noot beuaen

20

nu es die vrientscap al berooft

 

Mer waer ic vrolick en int goet verdooft

 

drincken en schincken also ick pliet

 

Die nu mij vliet die soude my bieden thooft

 

mer al truer / ick noch en sterf ick niet

 

 

25

Sal daer omme een vrient den synen laten

 

om dat deen vrient coomt in enich sneuen

 

Wanneer god wilt het staet ter baten

 

al gheeft god die doot hij geeft ooc tleuen

 

Och hadde my thoch myn vrient by gebleuen ²⁹

30

als hy my sach in myn verdriet

 

Nemmermeer en had ic hem begheuen

 

mer al truer / ick noch en sterf ick niet

 

 

 

Prinche

 

 

 

Elck sij ghetrouwe / mer en betrouwet niemant ³³

 

dat rade ick elcken cleyn en groot

35

Want als ter noot coomt soe sietment

 

dat menich vliet alst coomt ter noot ³⁶

 

Mer lacen al ben ic nu int verdriet

 

ic hope dauenture beteren sal/eer dat my raec di doot

 

want al truer ick noch en sterf ick niet

16 de o van noch verb. uit het derde staafje van m

+ Fol. 248^v (ii^c xl^v)

29 de h van thoch verb. uit y

33 mant van niemant boven den r. geschr.

36 st van alst verb. uit eene ronde s