Refereinenbundel, Anno 1524

[p. 90]

⁺Reffereyn CLXXVI
Thes al gaet voor / wy volghen naer

HOe edel / hoe ryck / hoe sterck van leden ¹
hoe wys / hoe schoon / hoe delicaet
Hoe abel / hoe groot / van mogentheden
hoe hogher val / hoe hogher graet
Ghy siet toch wel hoet niet en baet
wanneer die doot thoont haer ghebaer
Adam heeft ons den wech ghepaet
thes al gaet voor / wij volghen naer

Wilt den corten tyt besteden ⁹
in duechden / ende houerdie versmaet
Mer hoet ghegaen is of ghetreden
int eynde elc loon nae werck ontfaet
Die doot est al diet scheet en vlaet
sy en gheeft om niemant een inckel haer
Gheestelic of werlick goet oft quaet
thes al gaet voer wy volghen naer

Hebt voer oghen den tyt voerleden
mit herten mit sinnen mit wyser daet
Ende vliet altoos der sonden zeeden
⁺in allen steden waer dat ghy gaet
Stelt v ter duecht . saeyt sulcken saet
datmen v vinde van zonden claer
Soe suldj doen der wyser raet
want thes al gaet voer wy volghen naer

+ Fol. 249 (ii^c xli)

1 van de d van leden is enkel het onderste gedeelte nog zichtbaar.

9 na corten is de doorgehaald.

+ Fol. 249^v (ii^c xli^v)

[p. 91]

 

Prinche

 

 

25

Der glorien god vol vreden

 

behoitse voer der hellen vaer

 

Die hier om dencken in haer ghebeden

 

want thes al gaet voer wy volghen naer