Refereinenbundel, Anno 1524

[p. 269]

⁺Reffereijne CXXVII
Loff heylich cruys loff salich hout

O Alderhoochste god almachtich
o onbegrijpelic reijn wesen crachtich
onghemeten wijsheijt in een ofgronden
O jesus god ende mensch warachtich
ontfermich coninck / weest myns ghedachtich
duer bitter passie / ende v vijf wonden
Ick erme snode creatuere vol sonden
bidde v ghenade / o heere der heren
Verleent my gracie / tot desen stonden
om een lof te sprekene / tuwer eeren
Dyn ghenadighe oghen wilt op my keeren
duer den stryt die ghy street als ridder stout
Aent cruce / twelc was de school om leeren
doen by v betaelt wert / adams schout
lof heylich cruys / lof salich hout

Loff vruchtbaer boom hoochst wt ghelesen
met rechte moettj wel salich wesen
ouermits der vrucht die ghi hebt gedraghen
Mit vyf schoon bloyende bloimen gepresen
daer alle die werlt by es ghenesen
⁺dies moeti ghelooft syn tewighen daghen
Lof hout dat cristus nae svaders behaghen
minlick als ysaack droech om steruen
Mit plompen naghelen daer aen gheslaghen
op dat wij sijn rijck niet en souden deruen
Mer heefter onnoselick in willen eruen
mit synen bloide / als broeders ghetrout
Lof sloetel des hemels dusent weruen
dierbaerder dan enich ghesteente of gout
lof heylich cruce / loff salich hout

Loff eerwerdich ghebenedyt outaer
daer die offerhande / hooch ende diebaer

+ Fol. 169^v (clx^v)

+ Fol. 170 (clxi)

[p. 270]

 

op werdt gheoffert voer alle misdaden

 

Lof dauids herpe daer dminlick snaer

35

van soete thoone / reyn suuer en clear

 

aen gherect was om smenschen beraden

 

Lof moyses roede / hout der ghenaden

 

daer de fonteyne van gracien by vloyende es

 

lof hout daer thelich paeslam aen wert gebraden

40

int vier der minnen / twelc ewich gloijend es

 

O precioes boom waer by duecht groyende es

 

dyns ghelyc en wies noyt in enich hout

 

Mit soe soeter vrucht / die minlic bloyende es

 

⁺dies moeti ghelooft sijn menichfout

45

loff heylich cruce / loff salich hout

 

 

 

Prinche

 

 

 

Loff prince ende coninck der cheraphinnen

 

Dien gheen sterfelic wesen en can bekinnen

 

lof sonder eijnde / moettj ontfaen

 

Lof die wt dijnder herten binnen

50

Tbloijt ghestort hebt / mit vierigher minnen ⁵⁰

 

aent cruce als ghetrouwich pellicaen

 

Wilt mij in alder noot bij staen

 

ende voer die ewighe doot / bescermen

 

Jn v heylich bloyt wilt myn ziele dwaen

55

en wiltse ontfanghen in uwer ermen

 

Op datse mit minnen mach verwermen

 

die lacen es doer myn sonden cout

 

O here wilt haer alder zielen ontfermen

 

die dit lesen / es hy jonck of out

60

lof heylich cruce / lof salich hout

+ Fol. 170^v (clxi^v)

50 de b van Tbloijt boven den regel bijgeschreven.