Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende



[pagina 267]
Reffereyne CXXVI Lof hout daer cristus die doot aen smaecte O myne ziele / verloste / crancke ontwect dyn herte / ontluijct dyn mont Gruet moijses perse nu mit dancke daer wijsen tmetalen serpent op stont 5[regelnummer] Aensiet thout van leuene nu gewont mit des conincks sauls spere wreet Vant tgheloue der joden oorkont heeft dy een gat der duer bereet Twater van marath dat bitter sneet 10[regelnummer] es by moyses houte soet bedeghen Amalech scalck alle weldaet leet es by moyses roide doot ghesleghen Nu rijs / wes wys / wilt prys / beweghen vliet / niet / wiet riet / segt als de geraecte 15[regelnummer] Ga naar margenoot+lof hout daer cristus die doot aen smaecte Lof arcke van noe diet al behout lof wynstock daer die druue aen hinck Lof jacobs ledre van groter ghewout lof autare die dofferhande intfinck 20[regelnummer] Lof brugstock daer jacob mede ouerghinck lof boom die nabugodonosor sach Lof teken van thou wonderlick dinck lof hout daer ysaack voren op lach Ga naar voetnoot23 Lof sarepthem houtken dat veel vermach 25[regelnummer] lof bylken van helizeus reene Lof herpe daer dauid op te spelen plach lof arcke des testaments ghemeene Lof cruys / dyn huys / is die sluys / allene daer al misual / by qual / en slaeckte 30[regelnummer] lof hout daer cristus die doot aen smaecte
[pagina 268]
Lof cruce in dij is wonder begonnen die souden vergheuen die doot vergaen Die helle berooft den viant verwonnen die glorie belooft / den hemel ontdaen 35[regelnummer] Ons crachten vernyeuwt / gracie ontfaen volcomen is der propheten woordt Der apostolen bootscap is verstaen Ga naar margenoot+der martelaren vruecht blijft in dij voort Ghy syt der confessoren accoort 40[regelnummer] der maechden reynicheyt der kersten troost Huis der weduen der ouders confoort wiens vader in dijn wesen begloost Claer / outaer / daer onghenoost god / tleuen / verheuen / bleuen in maecte 45[regelnummer] lof hout daer cristus die doot a en smaecte Prinche Lof perce diet bisscoplyke habijt hebt root gheuerwt mit bloidigher pynen Als donnosel joseph duer groten spijt vyf gaten ghescuert int roxken dijne 50[regelnummer] Aen dy / hout hinck alde medicijne der hemelen / der hellen / enter eerden Gods rijke ontploken mit milden schijne vloyende al dat ije die kercke begheerde O cruys vierderhandich die god aenueerde 55[regelnummer] Cedre Cijpres Palme ende olijue Gheloue / hope ende minne weerde en Ontfermherticheyt ickse scryue Dyn lof / hier of / my gof / ontbliue ontfermt / beswermt / bescermt / ons naeckte 60[regelnummer] lof hout daer cristus die doot aen smaecte	margenoot+ Fol. 168^v (clix^v) voetnoot23 na voren is of doorgehaald en op erboven bijgeschr.; vóór lach is sprack doorgehaald. margenoot+ Fol. 169 (clx)

Vorige Volgende