Refereinenbundel, Anno 1524

[p. 271]

Reffereijne CXXVIII
Loff cruce daer cristus aen sterf die doot

O werde heylich cruce / hoochst engien
Teken van behouwe / als wy v sien
hoe deerlick moghen wy cristus doot beclaghen
⁺Ende oec inwendelic bescreyen nae dien
der martelyen die hy niet ontulien
en woude mer sachtmodelick verdraghen
Als een onnosel lam / sonder versaghen
dus machmen / tcruce hoghen lof toe scriuen
Den kelc der bitterheyt om claer gewaghen
wouder cristus aen smaken om ons becliuen
Lof daermen sviants cracht me mach verdiuen
lof sloetel die den hemel ontsloijt ¹²
Lof outaer daer hem cristus aen liet ontliuen
ende syn heylich precioes bloit op goot
lof cruce daer cristus aen sterf die doot

Lof wynstock / daer tleuende fruyt aen hinck
lof persse die alle die werlt beuinck
lof mast die noes arke heeft behouwen ¹⁸
Lof brugghe daer sibilla voer by ghinck
lof wapene vanden oppersten coninck
lof heylich cruce franciscus bescouwen
Lof Eraclius victorie vol trouwen
lof mirakelic teken helenams vont
Als sy tcruce te recht weten souwen
verrees die dode al daer ter stont
Crepelen blinden wordender by ghesont
⁺ende es noch daghelicks hulpe te noot
Dies spreeckick v lof toe / duer mynen mont
mer niet vollouen en kan ick v bloot
lof cruce daer cristus aen sterf die doot

+ Fol. 171 (clxii)

12 de tweede o van ontsloijt verb. uit u

18 de f van heeft verb. uit l

+ Fol. 171^v (clxii^v)

[p. 272]

 

Jnden name svaders ssoons ende sheylichsgeest

 

es tcruce bescerminghe voer alle tempeest

 

ons beurijende voer blixen voor dondre

 

Sint jan ewangelist smaecte den keest

35

wten kelcke ende bleef onbeureest

 

mits tcruce tfenijn velder ondere ^{36 36}

 

Gheen sacrifici en doetmen bisondere

 

men en moeter theylich cruys ouer slaen

 

Mer noch ist bouen allen meerder wondre

40

men sal tcruce inden hemel sien staen

 

Wanneer alle die werlt is vergaen

 

ende god ten oordel sal sitten / als thoot

 

Daer alle die sondighe consciencien saen

 

voer beuen sellen duer haer sonden groot

45

lot cruce daer cristus aen sterf die doot

 

 

 

Prinche

 

 

 

Loff prince die aent tcrucen rame

 

synen rugghe voer ons sondighe blame

 

strecte wt rechter puerder minnen

 

Loff ghebenedyt staf tonser vrame

50

⁺daer god mede brack alle misquame

 

der hellen verhueghende alle sinnen

 

Lof cruce vol miraculen binnen

 

lof teijken dat god toe behoort

 

Want gods tempel machmer by kinnen

55

van salicheden daermen gods woort

 

Jn sayende es van reynder accoort

 

welcke behoudenisse verdryft thestoot

 

Daer ons den viant me mocht aen boort

 

zeylen ende iaghen wt abrahams scoot

60

lof cruce daer cristus aen sterf die doot

36 na e van tfenijn is eene ongestipte y doorgehaald.

36 de v van velder verb. uit o

+ Fol. 172 (clxiii)