Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Refereijn XX Haelt die hoirkens coick sy moete eten Een grossier laest leden daer hi die best was Ga naar margenoot+sadt lieflick versaemt mit soete moerkens Niet dattet syn eerste of hopende sijn letste was twas een man vol vreemder coerkens
[pagina 45]
5[regelnummer] Dees vroukens maecte vast dubbelde vuerkens ten laetsten bestondense van hongher te spreken Hij was betrapt hy gaf hem vast poerkens ende liet onghemerct haer constighe streken Int eijnde begosten sy te bidden ende smeken 10[regelnummer] als datsi seer qualick hadden ontbeten Soe dathi mids dien int trisoor heeft gekeken daer niet en was inne dan alle ghebreken haelt die hoerkens coek sy moeten eten Die coeck die docht hem een reede cokinge 15[regelnummer] hier om bij reden wast dat hyse ontboot Men soude anders gemaect hebben grote smokinge ende die barning en wasser niet alte groot Koeck is doch half suuel half broot dus en wist hyse voer die hant niet bat te stofferen 20[regelnummer] Want hem haer alder hongher verdroot soe heeft hi volbrocht haer claechlic begeren Een die tot sulcken plecken wil verkeren die wordt wel verstandel van haer secreten Wy willen seydhi wat lieflick brasseren 25[regelnummer] oeck moetmen by wylen wel practizeren haelt die hoerkens coeck sy moeten eten Ga naar margenoot+Ten was voer die hant niet qualic geuonden ende tdocht die vroukens van voerdel goet Dus heefthi om die beste coek ghesonden 30[regelnummer] daer hi hem den honger mede heeft gheboet Die coeck die smaecte mittallen soet sy aten ende beten van honger seer ghierlic Heij seydhy brast vry maect goede moet Ga naar voetnoot33 bijt vrij goede beten ende leeft manierlick 35[regelnummer] Twas seker te belachen sy houeerden cierlick sij en mochten niet bet twas goet te weten Sij hadden appetijt ende weerden hem fierlick Haelt die hoerkens coek sy moeten eten
[pagina 46]
Prinche Goede coek en is ommer niet te laken 40[regelnummer] hy gaet wel mede dat sietmen alden dach Men seijt ooc van outs in gemeender spraken hy is al sot die gheen coeck en mach Die grossier dit spel alte gern aen sach hoe heerlic sy die crabben binnen smeten 45[regelnummer] Hy seijde al moest hy betalen dat ghelach haelt die hoerkens coeck sy moeten eten	margenoot+ Fol. 33^v (xxii^v) margenoot+ Fol. 34 (xxiii) voetnoot33 de e van Heij boven den regel bijgeschreven.

Vorige Volgende