Refereinenbundel, Anno 1524

[p. 43]

Refereyn XIX
Wat baet gheplant daert niet wassen en mach

Onlancks was ic in siecten seer quellende
om dat ic my seluen was stellende
een te verkiesen die mijns niet en achte
Wanhope was my altoos toe spellende
dat haer ionste tot enen anderen was hellende
wat woudicse toe nemen in myn gedachte
⁺Nochtans was ick mit venus scachte
doerscoten soe seere ic en condes ghedoghen
Als dat mij genen aerbeyt en docht onsachte
ic moeste my seluen tot haer noch poghen
Myn trouwicheyt en mocht haer niet verhoghen
twas al te vergeefs myn swaer gheclach
Al had ic geweent mit vyftich oghen
arbeyt verloren/was al myn beiach
wat baet geplant daert niet wasschen en mach

Mijn suchten myn duchten lacen myn pijne
en mochten ghecryghen geen medicine
Alle mijn planten dat bleef verloren
tlant was verhart in sulcken schijne
Al datter op wies was souter dan bryne
dido en ghecreech niet sulcken toren
Als ic/want my dochte myn herte schoren
om dat myn planten niet te wassen en rochte
Cupido straelde my mit sulcken doren
ende woude dat ic gheen ander en sochte
Mer vrou sonder genade si wel heten mochte
nye en mocht my ghebueren minlic ooghe opslach
Hoe vast myn hert ic aen hoer knochte
ongetroost bleef ic nacht en dach
wat baet geplant daert niet wassen en mach

+ Fol. 32^v (xxi^v)

[p. 44]

 

Of sy nu als narciscus moest baren

 

⁺dat soude my nochtans hertelyc daren

 

want ickse beminne bouen alle die leuen

 

Paris en hadde noit alsulcke begaren

35

tot helena als ic totter scoonder caren

 

Mer lacen ick moetse nu begeuen

 

Om haer soe sal ic in drucke sneuen

 

want ic eenpaerlick om haer moet trueren

 

Myn troost van haer sijn al drie screuen

40

ter werlt geen ander/en mach my bekueren

 

Och hadse haer willen tot compassie berueren

 

geen lieuer lief ick noyt en sach

 

Mer neen sy ontseyde my tot alder hueren

 

ist vreemde dat ick daer seer siec om lach

45

wat baet geplant daert niet wassen en mach

 

 

 

Prinche

 

 

 

Wilt danckelyc nemen myn cleyn bedriuen

 

myn ionste en mach ick niet volscriuen

 

totter bloemen die ick aldus beminne

 

Myn liefde aen een ander mach niet beclyuen

50

ic salse beminnen bouen alle wijuen

 

al stae ic noch wanckelic in haren sinne

 

Veel drucks soe coomt mij altijt inne

 

dies mach ic wel roepen o wy o wach

 

wat baet geplant daert niet wasschen en mach

+ Fol. 33 (xxii)