Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Refereyn XXI Lief woerdt midts liefden van lief verblint Alle refereynen betamen ten spele alle sanc snaerspel ende musyke Orghele cimbale herpen velen Ga naar margenoot+luijten fluijten en dier ghelyke 5[regelnummer] Ja alle die vruechden van ertrycke en mach soe den sin niet vierich ontsteken Hen die studeren in venus cronycke als wanneer elc syn lief alleen secreet mach spreken Ende elc dat opluyct daer syn ghebreken 10[regelnummer] confoort van trooste elc daer vint Gheen vruecht en wort daer bi geleken dus segic v dan midts venus treken lief wort midts liefde van lief verblint Als hem den dach heeft gedocht een iaer 15[regelnummer] ende elc is hakende naden nacht En lief coomt sonder sorghen oft vaer ter plaetsen daer hem lief verwacht
[pagina 47]
Dat lieflyc ontfangen dat mondeken lacht tcoluer verandert die ledekens die beuen 20[regelnummer] Dat minlic helsem dwelc druck versmacht doet elcken in dusent vruechden leuen Al waer hem alle die werlt beneuen liefde en laet hem peynsen twint Hoe wys sy syn die hem tot liefde geuen 25[regelnummer] ic segge hoer wijsheijt wordt verdreuen lief wordt mits liefde van lief verblint Alsmen dan sal gaen bancketeren Ga naar margenoot+minlic houeren eten ende drincken En sy ooghe int oghe gaen studeren 30[regelnummer] geen meerder vruecht en machmen dincken Die oochskens wincken die wordekens clincken droefheyt is daer ballinck int lant Menighen hert sucht sy elc anderen scincken welc hem inuierich thert duerbrant Als elc moet deruen den liefsten pant 35[regelnummer] midts den dach dier als den nacht verwint Wijsheyt memorie ende alle verstant die sinnen worden berooft dan/want lief wort mits liefden van lief verblint Prinche Wt liefden god die doot vercoos 40[regelnummer] wt liefden sat virgilius in die mande Wt liefden die vrou van vergi tlyf verloos wt liefden liet samson sijn lijf te pande Wt lieden liet aristoteles tsijnre scande hem beryden liefde maecten als een kint 45[regelnummer] Wt liefden gheschien cuerkens menigerhande dus die liefde proeuen dit dan versint lief wort mits liefden van lief verblint	margenoot+ Fol. 34^v (xxiii^v) margenoot+ Fol. 35 (xxiiii)

Vorige Volgende