An myn heerende vorstelicke penningmeesters.
WAntmen totten stant der Ghemeensaken noodich bevint dat hun penningben oirdentlick en ghetrouvvelick vergaert vvorden, soo sijn de Menschen van ouden tijden tot nu toe, geduerlick seer becommert ghevveest met sulcke oirden te verbeteren daerseghebreckich vvas, en met alle ontmoetende onghevallen te voorcommen na hun vermeugen, vvaer af oock by de Francoisen verscheyden edict en en bouckē in druck uytgaen: Daerom dat ymant mocht meynen dese vvijse van schrijven streckende tot sulcke verbetering, t' eenemael een nieuvve stof te vvesen, en aloft gheschiede deur gheneghentheyt om ymants fauten te straffen, dat vvaer ghemist, vvant ick d'oirsaeck soodanigher ongevallen meer acht ghebreck van oir den, dan ongherechticheyt der Menschen: Te meer datter veel ghelooven, hemlien vanden Heer gheen behoorlicke belooning voor hunghetrouvven dienst gheschiet te vvesen, en daerom met een vryghevvissen inhouden t'ghene sy achten hun met recht toe te commen. Maer vvanttet sijn conde dat hem yghelick met die antvvoort niet en vvilde ghenoughen, soo vvilickt met dese laten berusten, te vveten dat sulcke verbetering dickvvils gehandthaeft en bevoordert vvort deur vrome Tresoriers en Penningmeesters selfs, de vvelcke ick acht dat my soot noodich vielhier in souden voorstaen.
Auteursrechtvrij