Wisconstighe gedachtenissen. Deel 4: van de weeghconst

[p. 177]

Byvovgh der weeghconst.

[p. 178]

⁺ Cortbegryp deses byvoughs der VVeeghconst.

MY sijn na d'eerste beschrijving der Weeghconst, verscheyden stoffen der wichtighe ghedaenten voorghecommen, soo in^* spiegheling als daet, diemen in dese tweede druck elck t'haerder plaets van d'eerste oirden soude hebben meugen schicken, om daer af een verknocht lichaem te maken: Maer insiende dattet gheschapen staet, na dese meer ander te connen volghen, die om de selve reden dan dergelijcke schicking souden vereysschen, sulcx datter elckemael een verandering van t'voorgaende mocht vallen, so en souder des veranderens geen eynde sijn: En hoe wel dat in sijn selven best mocht wesen, nochtans belet van ander noodigher dinghen en latet my niet toe: Inder voughen dat ick d'eerste beschrijving der Weeghconst (veranderende alleen de veranderlicke) in haer form ghelaten heb, daer by voughende de voorschreven na ghecommen stoffen, die ick int geheel Byvovgh noem, inhoudende ses deelen:

Het eerste van het Tauwicht.

Het tweede van het Catrolwicht.

Het derde vande vlietende Topswaerheyt.

Het vierde vande Toomprang.

Het vijfde vande Watertrecking.

Het seste vant Lochtwicht.

+ Argumentum.

* Theoria quam praxi.