Wisconstighe gedachtenissen. Deel 1: van 't weereltschrift

[p. 31]

Tweede onderscheyt des eersten bovcx, vande vinding des Maenloops deur ervarings dachtafels.

1 Bepaling.

Als tvvee vveereltlichten in saming vvesende schijnbaerlick malcander bedecken: Tbedecte vvort^⋆ verduystert gheseyt.

Dese bepaling is ghemeen soo wel voor de Maen en d'ander Dwaelders als vaste sterren: De volghende is besonder voor de Maen.

⋆ Eclipticum.

2 Bepaling.

Als de Maen in tegenstant der Son sijnde vanden Eertcloot soo bedecktvvort, datse t'licht der Son niet volcomelick ontfangen en can, mē segtse verduystert te vvesen.

3 Bepaling.

Duysteringsneen sijn de tvve schijnbaer ghemeene Nodi. sneen des Maenvvechs en duysteraers.

De platten der Dwaelderweghen uytghenomen de Son, niet sijnde int plat des Duysteraers maer hem deursniende, soo volght daer uyt dat haer omtrecken malcander tot twee plaetsen schijnbaerlick deursnien: Sulcke twee schijnbaer sneen des Maenwechs en duysteraers heeten duysteringsneen, uyt oirsaeck dat duysteringhen van Son en Maen daer in of ontrent gheschien.

4 Bepaling.

De duysteringsne uyt vvelcke de Maen commende op de Noortsijde des duysteraersgaet, heet^⋆ Noortsne: De ander^* Zuytsne.

⋆ Nodusascēdēs seu caput draconis.

* Nodus descendens vel conda draconis.

[p. 32]

5 Bepaling.

Den tijt van d'eē saming der Son en Maen tot d'ander, heet Maenschijn. En van d'een saming der Middelson en Middelmaen tot d'ander Middelmaenschijn.