Diversche refereynen ende liedekens, uut Hollant, ende Zeelant(1582)–Pieter Sterlincx– Auteursrechtvrijvan verscheyden beminders der Consten ghelesen, ende gesonghen, inde Heerlijcheyt van Heenvliet, Ten versoecke van Peeter Sterlinx, den derden September 1580 Vorige Volgende [Folio F1r] [fol. F1r] Een nieu Liedeken. Opde wijse, soot beghint. O Nederlant schoon Hoe machman v volprijsen, Ghy spant die croon Soomen wel can bewijsen, Al inde werelt wijt Maecte ghy groot iolijt Deur neringhe ghedreuen Die t’aller tijt V heeft subijt // verheuen. Waerom dat ghy soet Hebt geregeert seer crachtich, Wijs ende vroet Bouen alle volcken machtich, Met goede policy Soo toonde ghy v vry Als de wijt vermaerde Dies u elck bly Sonder ialousy // aenuaerde. Spaignien vaillant Poortugael en Noorweghen, Vrancrijck en Duytslant Hebben van u vercreghen, Als Polen ende Sweden Met Persen en oock Meden Rijckdom en constighe wercken Dies men v seden In alle steden // can mercken. [Folio F1v] [fol. F1v] In triumphen fray Ende ghebouselen cierich, Toony ghy v gay Met allen seer manierich, Ghy waert oock seer volck rijck Vol consten en practijck Bequaem tot alle saecken Soo dat niet ws ghelijck Sonder beswijck // en is te raecken. Maer o Heere Godt Hoe qualijck soutmen gheloouen, Dat ghy zijt tot spot Van veel die u beroouen, Van lijf en oock van goet Met wreetheyt soo onsoet En maeckent al tot schanden Dat ghy met spoet Hebt ghewonnen vroet // met u handen. V Palleysen al Sietmen nv ruineren, En oock comen ten val De neringhe deur t’raseren, Van Mars die ons alsnoch Dreyghende is deur bedroch Van ghiericheyt, een verseeren Vande armen, dus roep ick och Heer wilse toch // bekeeren. Alle consten groot Sijn nu van u verscheyden, Weluaert leyt doot Niemant wil t’ghewelt verbeyden, [Folio F2r] [fol. F2r] Dies ist daer desolaet Meest door de eyghen haet Alle dees Nederlanden Elck stelt zijnen staet Inden hoochsten graet // vol schanden. Ghy Princen al hier Die wt ionsten nu versamen, Laet v dees manier Ten goede zijn, tuwer vramen Veriaecht oock Momus fel Met Zopelus opstel Want wy seer voor dees schromen Maer als vrienden wel Weest niet rebel // der vreuchden blomen. Corrigez sans reproche. Briele. Vorige Volgende
Auteursrechtvrij