Diversche refereynen ende liedekens, uut Hollant, ende Zeelant(1582)–Pieter Sterlincx– Auteursrechtvrijvan verscheyden beminders der Consten ghelesen, ende gesonghen, inde Heerlijcheyt van Heenvliet, Ten versoecke van Peeter Sterlinx, den derden September 1580 Vorige Volgende [Folio E8r] [fol. E8r] [Hoe hebt ghy gefloreert] Op de voys, Al waer ick half doot. Hoe hebt ghy ghefloreert Eel Nederlantsche vrouwe, Eer van v was gheweert V heer die ghy waert trouwe, Ghesteenten ende gouwe Men vant by u in ouervloet Oock alle goet Datmen (Godt betert) niet meer en doet. Die schepen wt Turckijen En wt Indien mede, Mochtmen gheladen sien Comen in menighe stede, Als ghy daer saet in vrede Van Oost en West quam u die vloot Daer cleyn en groot Aen wan seer heerlijcken doen zijn broot. Dat den Lantman besayt Hadde, mocht hy vry sacken, Nu wert het gron ghemaeyt Hoe salmer dan van backen, Die peerden sietmen voor smacken Die v Heer hebben wech ghehaelt Godt toch betaelt Die oorsaeck zijn dat die ghemeynte dwaelt. Eens mocht den ambacht man Voor zijn kinderen winnen, Dat hy nu niet en can Maer met verstroyde sinnen, Moet crijch leeren beghinnen Den rentenier wert seer belast Den coopman vast Te Lant en See ouer al aenghetast. [Folio E8v] [fol. E8v] Men siet nu tplatte lant Gheheelijck onder drucken Het wert gherooft, ghebrant En gheslaghen aen stucken Men sieget teesen en plucken Diuersche onder sconincx naem Heeten eersaem: Godt betert, het gheschiet heel onbequaem. Nu den heere achter blijft Moeten daer veel regieren Elck om t’meeste schrijft Scheeren in veel manieren Die schaepen en versieren Vonden seer cloeck met schalcker list Om hare kist: Te vullen, waer wt dat rijst een grooten twist. Prince. Prince Godt wilt eer heer Verleenen wijs en machtich, Het doet het lant te seer Dus veel heeren waerachtich Zijt v volck eens ghedachtich, Stelt doch tlant in zijn oude graet Dat qualijck staet: Ghy zijt o Godt haer troost en toeuerlaet. Aensiet liefde. Vlaerdinge. Vorige Volgende
Auteursrechtvrij