Diversche refereynen ende liedekens, uut Hollant, ende Zeelant

(1582)–Pieter Sterlincx– rechtenstatus


Een nieu Liedeken, opden voys Ontbint den geest, in die foreest, scheyt melodye. Schoon Nederlant // in v men vant Eertijts Mekodye, Aen elcken cant // men vreucht ontbant Sonder envye Den Coopman vroet, was wel ghemoet Hy wan ghelt en goet Den ambacgtsman mede, Godt gafs in ouervloet Met Peys en vrede. En den Landtman // wasser wel an Gheschat noch gheschoren, Godt hem hier gan // als dat hy van Sijn acker creech Coren, t’Suyuel gout ghelt
[Folio E7v]
Vanden crijch onghequelt Seer rijck van hauen Nu wert hof en huys ghequelt En Ian moet grauen. Eens mochten vry, die schepen by Van oosten en westen Comen die bly // op haer ghety Brachten ons ten besten Coren ende wijn, Gout en siluer fijn, Van als voor elcx aenschijn Den Seeman mocht vaeren Sy trocken eene lijn Al die daer waeren. Maer nu siet, ist al strijt en twist Watmen hoort spreken Door schalcken list ghelijck den mist Wert tlant versteken Ede berooft van zijn heer zijn hooft Die heeren verdooft Achten gheen claeghen Deen dander niet en ghelooft Tvalt swaer om draeghen. Van brant en moort, princen nieu hoort Tcost menich tleuen Op elck oort, berooftmen voort Wat daer is ghebleuen Elck een toe tast, spijs en dranck men belast Al met schattinghe vast Huys, hof, lant en eruen Dus werden wy verrast Tlant moet bederuen. Aensiet die Ionckheyt. Schiedam.