Diversche refereynen ende liedekens, uut Hollant, ende Zeelant(1582)–Pieter Sterlincx– Auteursrechtvrijvan verscheyden beminders der Consten ghelesen, ende gesonghen, inde Heerlijcheyt van Heenvliet, Ten versoecke van Peeter Sterlinx, den derden September 1580 Vorige Volgende [Folio E5v] [fol. E5v] Een nieu Liet, opden voys Gheen lust noch pijn, mach een amoureus herte, &c. Lvstich plaisant // was in zeer groot vermeugen Dat Nederlant // als zijn heer daer floreerde Seer abondant // om den gheest te verheugen Datmen daer vant // voor elck een diet begeerde. Vrientschap in allen steden Dat sy malcander deden Leuende vry met vreden Door Godes macht // sachmen wonder beginnen Want Godt eendracht // altoos hier sal beminnen. Neringhe daet // den coopman frequenteren Met ouervloet // als doen wel was beuonden Quam ghelt en goet // dat dede dommeren Met blijden moet // soo waren daer ghesonden Die schepen vol gheladen Om dat lant te versaden Oock waren vry die paden Voor den coopman // die sulcx was gheleghen Daer menich van // hare welvaert vercregen. Niet dan accoort // doen onder alle nacij En was ghehoort // van nering dat sy spraken Elck een bracht voort // lustighe recreacij Men riep gheen moort // den crijch dat sy verstaken Den huysman wat hy wilde Vercreech daer hy met stilde Den borgher als een ghilde Doen ter tijt was // den zeeman al te voren Niemant belast // gheschat was, noch gheschoren. [Folio E6r] [fol. E6r] [...] [...] [...] En men is quijt // peys want die leyt ghebonden Den huysman mach niet houen Den coopman wert verschouen Den zeeman doen berouen Die muyterye // dagelijcx nu op-rechten En door invye // voeren Ruyter en knechte. Prince. Princen eens siet // hoe sy dat Landt bederuen Daer en gheschiet // nu gheen rechte Iustici Maecken tot niet // die huysen ende eruen Godt oyt toe-liet // sulcx tot eens lants punici Dus soo wilt v bekeeren En bidt den Heer der Heeren Dat hy v wt tverseeren Toch eens verlost // en zijn graci wil gheuen Want theeft ghecost // soo menich mensch zijn leuen. Aensiet die Ionckheyt, Schiedam. Vorige Volgende
Auteursrechtvrij