Diversche refereynen ende liedekens, uut Hollant, ende Zeelant(1582)–Pieter Sterlincx– Auteursrechtvrijvan verscheyden beminders der Consten ghelesen, ende gesonghen, inde Heerlijcheyt van Heenvliet, Ten versoecke van Peeter Sterlinx, den derden September 1580 Vorige Volgende [Folio E3r] [fol. E3r] Hier volghen de Lidekens inhoudende, Hoe het Nederlant eertijts ghefloreert heeft, ende hoe desolaet nu tselue leyt. Op de wijse, Den lustelijcken Meye. O Nederlant, schoon en playsant Verciert met schoone // steden, schoone steden Seer trijomphant, besayt, beplant, Vol nering en vrijheden // vrijheden Maer laes voor dees weelde groot Crijchdy Orloch ende aenstoot Die spaignaerts v benouwen O Mars wat condy brouwen // condy brouwen. Meghem, Arenberch, [...] wreet Met Gerlaimont, bloet ghierich // bloet ghierich Dees zijn het merck, al van vleet En hebben u schoffierich // schoffierich In Duckdalfs handen ghestelt En in der spaignaerden ghewelt Dat zy v bederuen souwen O Mars wat condy brouwen // condy brouwen. Ducq d’Alue snel, rooft v vrijheyt Met strop, sweert, ende coorden // ende coorden Achitophel, zijn raet wt leyt Datment al sou vermoorden // vermoorden Aman, hier in accordeert Maer Godt heeft het niet begheert Tsou wijf en kint berouwen O Mars wat condy brouwen // condy brouwen. [Folio E3v] [fol. E3v] Doort d’oorloch quaet, zijt ghy gheschent Verbrant, huysen, en houen // houen Die uwen staet, hebben ghekent Gaen haer in u bedroeuen // bedroeuen Maer wilt dit lijden verdult Denct tis al verdiende schult Israel wilt aenschouwen O Mars wat condy brouwen // condy brouwen. Ghy bedreeft meest, afgodery Tlant was daer me beghoten // beghoten Tghecroonde beest, dat diende ghy Veruolchde Godts ghenoten // ghenoten Al u wachters waren blint Stomme handen, slapens ghesint, Gods woort zy niet ontfouwen O Mars wat condy brouwen // condy brouwen. Maer maghet schoon, Godt heeft verhoort V kermen ende claghen // ende claghen Sent v tot loon, zijn Godlijck woort Dus schept daer in behaghen // behaghen V vyanden hy verdrijft, Die daer veel hebben ontlijft Soo mannen ende vrouwen O Mars wat condy brouwen // condy brouwen. Lof Prince goet, die ons beurijt Van t’iock der spaenscher honden // spaenscher honden Die ons verwoet, leuenden strijt Maer d’oorsaeck zijn ons sonden // ons sonden Ons vyanden Heere beschaemt En ons met minnen versaemt Op u staet ons betrouwen O Mars wat condy brouwen // condy brouwen. Liefd’ baert vrede. Rotterdam. Vorige Volgende
Auteursrechtvrij