Diversche refereynen ende liedekens, uut Hollant, ende Zeelant(1582)–Pieter Sterlincx– Auteursrechtvrijvan verscheyden beminders der Consten ghelesen, ende gesonghen, inde Heerlijcheyt van Heenvliet, Ten versoecke van Peeter Sterlinx, den derden September 1580 Vorige Volgende [Folio B2r] [fol. B2r] Refereyn. Ghy alle die hier Christus Naeme wilt draghen Neemt v Cruys op den hals, en weest niet verslagen Soeckt Godt te behaghen Hy maeckte onsen Hertoch daer door volcomen, Dus oeffent hier onder het Cruys v daghen Wilt vlees, bloet, en goet, voor Godts Naeme wagen Soo na den prijs iaeghen Laet des vleeschs lusten in v gantsch zijn benoemen Snijt die werelt af, die Godt sal verdoemen Laet t’oude Serpent, v gheensints bederuen Tis listich, en derf hem seer veel beroemen Wat segt Schriftuer, van die Godts rijck sullen eruen Sy moeten treurich leuen, en vrolijck steruen Dees menschen wilde Christus Nicoderno wijsen Sijn verborenen Godts, welcke flvees lust af keruen Sy gheloouen door den gheest, tglorieus verrijsen. Dus des vlees wercken door den geest toch hier doot Om te leuen met Christo, in glorie groot Die Heere minioot: Vernielt d’ouden Adam, wilt den nieuwen aentrecken Strijdt als Christen Ridders, vreest, gheenen aenstoot Neempt ter herten, hoe die Heere zijn bloet vergoot Doende cloeck t’exploot: Om onse misdaden te moghen bedecken, En is verresen, om ons te verwecken Nu diens gheest, die sulcx in hem heeft bewesen [...] niet ons, dus wilt v Heere strecken [...] zijnen Naem want zijn wtghelesen [...] treurich leuen, en steruen vrolijck door desen [...] zy sullen met Godt veriolijsen [...] zijn die weder gheboren Godts, by Godt gepresen [...] gheloouen door den gheest, tglorieus verrijsen. [Folio B2v] [fol. B2v] Onder tCruys, hebben hem Godts kinderen begeuen Eenen ghestadighen strijt wert by haer ghedreuen Om te vercrijghen tleuen, In eeuwicheyt by Godt dat zy verwachten Voor die tijtelijcke doot, zy niet en beuen Soecken met Christo te werden verheuen Dien zy aencleuen, En in Christo zy oyt die doot t’onder brachten, Met die doot te steruen, zy die doot versmachten Werden t’lichaem ontlost, naer des gheests begheren Dus broeders wilt daer met vlijt op achten Wat menschen hen ter werelt treuren gheneren En met een Christen ghemoet haer occuperen Vanden doorganck des doots, Godt loffelijck prijsen T’zijn herborene Godts, niemant en mach haer deren Sy gheloouen door den gheest, t’glorieus verrijsen. Als den Prince Christus, treurich heeft gheleden Ende noch voor zijn vyanden ghebeden Die hem misdeden, Alsoo dat rijcke inghenomen met ghewelt Soo ist dat zijn kinderen, hem hier na treden Want by haer moet, soo wel als by hem zijn gestreden Sullen zy met vreden Triumpheren int rijcke, dat voor haer is ghestelt, Want die victorie hier int Cruyce ghelt Om t’rijcke der Hemelen te moghen winnen, En wie niet herboren is, werter niet ghetelt Om tot het Rijcke te moghen comen binnen Dus verstaet hoe treurich leuen, edel Christen sinnen En vrolijck steruen, om haer siele te spijsen Die herboren Godts, want Godt zy beminnen Sy gheloouen door den geest, t’glorieus verrijsen. Aensiet de Ionckheyt. Sciedam. Vorige Volgende
Auteursrechtvrij