Timbre de Cardone

(1618)–Jan Jansz. Starter– rechtenstatus



[Folio D4r]
4. Handelingh, 2. wtcomst. GIRONDE, BALACCO. gir. ICk loof dat my 'tgheluc en d'Hemel teghen zijn, Tis lager ramp op ramp, en druc op druc wat mijn Bejegent in dit kreyts, ic ben van huys getogen. Op hoop, dat als mijn Lief sou vvesen vvt mijn ooghen Sy soud' wt hert zijn, maer hoe vvyder van mijn vrou Hoe naeder by mijn ramp, hoe dichter by mijn rou Het bruysschen vande Zee, het schuymen vande Baren De nare golven, daer ic dvvars ben door ghevaren En conden, ô mijn Son, de hette van mijn min Niet coelen, ick laet staen dan, setten vvt mijn zin Ick most vveer naer u toe, en nu ick ben ghecomen Nu slacht ick Hero, ach! mijn licht is vvech ghenomen Lief, hoe heeft my de liefd' die ick u droegh gheprangt! My docht ic vloog door 'toneer, so seer heb ic verlangt En nu ic ben gereaeckt aldaer ghy placht te vvoonen Bevind' ick u de Bruyt met Timbre de Cardone Ha! droevich ongheval! bal. Gironde, vvellecom, VVel hoe? hoe dus ontstelt gir. VVat vraeght ghy my vvaerom! En hebt ghy niet verstaen, dat Timbre denct te trouwen
[Folio D4v]
Fenicie, dien ick voor my ghedocht te houvven? Met haer, met haer is hy de Bruydegom dien ick Ghegront had in mijn hert met een ghevvisse schick bal. Is anders? niet daer vveet ic u raet toe te geven. gir. 'tRaed gheven is te laet. bal. Neen, tijdts ghenoech. gir. Iae maer Nae dat ick vast verneem is t'h'vvelijck al claer. bal. Dats niet, ick vveet dat stracx vvel vveder om te stooten. gir. VVel hou sou dat toe gaen devvijl 'tal is gesloten. bal. Ick sal hem maken vvijs dat sy oneerlijck is. gir. Dat segghen is onvast, en het bevvijs onvvis. bal. Ick salt hem selfs doen sien. gir. Sien? hoe sou dat doch comen bal. Ghy vveet noch niet van 'tschaep, en hebt ghy niet vernomen Dat hier een venster is aen u Fenicies huys Daer niemant in en vvoont, Iae daer nau cat noch muys In tgansche jaer in comt, ic laet dan staen de menschen Daer can by nacht een man in climmen na sijn wenschen Nu vvil ic by de Graef gaen segghen, hoe dat ick Een vrient heb dien ick alle nachten by haer schick En dat ic deernis heb, dat sulcken Man sou trouwen
[Folio E1r]
Een die de snootste Hoer vvel is van alle vrouvven, En so hy 'tniet ghelooft, dat hy hem vinden laet Ter plaetsen dien ick noem, so siet hy 'tmetter daet Op dien bestemden tijdt sal ick dan hervvaerts keeren En uvver dienaers een, verciert met Grave cleeren Doe climmen in dit gat, en als hy dat dan siet VVat dunckt u? sal hy 't dan ghelooven ofte niet? O Bloemerhert hoe sullen zijn ghedachten vlieghen. gir. Men sou de Duyvel so gheloof ic vvel bedrieghen Iae vvel, die vont is goet, dus stelt het voort in 'tvverck Hier dient niet in ghesuymt, en so ick dan bemerck Dat ghy door desen vondt het huvv'lijck cont beletten Ick schenck u tot u loon dan hondert pistoletten. bal. VVel an mijn heer ic gae, en twijffelt daer niet aen Als ic 'tneem by der hant de sake sal vvel gaen in gir. VVat can de liefd' al doen? vvat stockt het vier der minnen Al vreemde listicheyt in ons verliefde zinnen! Maer vvat is dit een vondt! vvat een vermetel stuc! Dan doch, den stouten dient ghemeenlick het gheluck Den Hemel sal my nu misschien mijn Son verleenen En gunnen dat ic mach met mijn Goddin vereenen VVant als de Graef dit siet, tis buyten al ghevaer Hy sou sijn trou terstont vveer eyschen doen van haer,
[Folio E1v]
En als hy haer dan heeft dus clackeloos verlaten So sal ic in sijn plaets haer soecken te bepraten.

Vorige Volgende

4. Handelingh, 2. wtcomst.