Nieuwe gheestelijcke refereynen ende liedekens

[p. 3]

Een gheestelijck Liedeken vanden Pater Noster ende Ave Maria.

Op de wyse.
Pater in celis Deus omnium.

ONse Vader Godt gepresen,
Die inden Hemel zijt,
Gheheylicht soo moet wesen,
Vwen naem gebenedijt.

V rijck van grooter weerden,

Laet comen metter spoet,
In Hemel, en opder aerden,
Geschie uwen wille soet.

Wilt ons oock met eenen,

Coninck van machten groot,
Heden verleenen,
Ons allen dagelijcx broot.

Ons' schulden wilt vergeven,

Die te betalen staen,
Gelijck wy vergeven,
Die ons hebben misdaen.

En laet ons oock niet vallen,

In tentaey desolaet,
Maer verlost ons allen,
O Heer, van alle quaet.

Ick groet v vol van gracy,

Sprack d'Engel Gabriel,
Met v tot alle spacy,
Is Godt Emmenuel.

Onder alle Vrouwen,

Zijt ghy ghebenedijt,
Gheluckich die aenschouwen,
V Glorie met iolijt.

Gebenedijt moet wesen,

Iesus uws lichaems dracht,
Door hem zijn my ghenesen,
Al uyt des vyants macht.