Nederlandsche gedichten uit de veertiende eeuw van Jan van Boendale, Hein van Aken e.a.

Bi wat saken die Romeynen ghewaer worden dat si den zeghe verloren hadden. C. VIII¹.

DEs morghens quamen si saen
Voor die oeghst porte gegaen /
En̄ vonden daer ghescreven
Met goeden letteren verheven
Neghen woerde / min noe mee /
En̄ elc began op een C.
Dierste .iij. waren alsoe:
Caritas / Castitas / Compassio.
Dese wilic u in Dietsche toghen:
Karitate / Zuverheit en̄ Mededoghen.
Dese .iij. sijn onder u cout;
Voor dese .iij. ghi onder u hout
Ghelt / oncuuschede en̄ vremthede;
Dese houden onder u die stede.
Raet en̄ eendrachtichede /
En̄ huwelic ter waerhede
Sijn met u / sonder waen /
Alte nieute nu ghedaen.
Voor dander porte quamen si vord;
Daer vonden si oec die word

1 Dit hoofdstuk schijnt van eene andere hand geschreven, en ook de spelling verschilt met de vorige.

[p. 426]

 

Die op een F. beghinnen int Latijn /

665

Die int Dietsche moghen sijn:

 

Die starc en̄ ghetrouwe waren /

 

En̄ wel sprekende / twaren /

 

Regeerden wilen met u.

 

Voor dese regeerd daer nu

670

Gheveinsde / sotte en̄ valsch / dat wet /

 

Dieve / smekers en̄ verraders met.

 

Voor die derde porte si vonden

 

Wel ghescreven ten selven stonden

 

Neghen worden / dat wet wel /

675

En̄ elc begonste op een L /

 

Ghescreven int Latijn /

 

Die in Dietsche aldus sijn:

 

Dlicht der werelt verborghen leit

 

Onder haet ende nidicheit;

680

Die lof / die heilicheit wilt mede

 

Onder arbeit en̄ cracht mede

 

Wette der stat bedecken

 

Die ghene die voort souden trecken.

 

Voor die vierde port quamen si dan:

685

Daer vonden si ghescreven an

 

Neghen letteren op een U /

 

Die ic u hier toene nu:

 

Doecht / oetmoedicheit en̄ werde /

 

Sijn ghevaren herde verde.

690

Voor dese sijn nu bleven

 

Verweent / overtullich leven /

 

Vule en̄ quade zeden /

 

Diemen hanteerde inder steden /

 

Persem ende selfvuldicheit /

[p. 427]

695

En̄ oec alle ydelheit.

 

Dese doen sekerlike dat /

 

Dat onder voet valt lant en̄ stat /

 

En̄ dat u gheluk en̄ ere

 

Vlien sal in lanc soe mere.

700

Ghi porteren / en̄ ghi heren /

 

Hier aen moghedi leren

 

Hoemen een stat moet beleyden

 

Met sunderlingher wijsheiden.

 

Die ghierich was en̄ fel

705

En beleyde noyt stat wel;

 

Want sine ghiericheit / nu en̄ echt /

 

Doet verkeren der stat recht /

 

En̄ des selfs mans werkelicheit

 

Es so groet / voer waer gheseit /

710

Dat hijt al wil hebben onteert

 

Waer hi sinen hat op keert /

 

Weder recht of onrecht si dat.

 

Dit heeft bederft menighe stat.

 

Een wijs philosophe dus sprect:

715

Soe wanneer raetsman ghebrect /

 

Salmen setten in sire steden

 

Enen die niet en steet in vreden

 

En̄ te gheender partien en hoort /

 

Die leecht in twist of in discoort;

720

Want mids vrienscap en̄ onste der maghe

 

Mochti onghelijc draghen die waghe /

 

Daer die stat in mochte bejaghen

 

Vele vernoys en̄ vele plaghen.