Nederlandsche gedichten uit de veertiende eeuw van Jan van Boendale, Hein van Aken e.a.

Waer bi den oudren dunct dal tfolc wilen beter was dant nu es. VIII.

NU berecht mi / lieve Ian /
Hoe mach dat comen dan
Dat den oudren dunct das
Dat tfolc beter was
In hare joeght dan nu?

Trouwen / vrient / dat segghic u /

Outheyt en̄ ioncheyt sijn .ij. dinge
Die altoes twisten onderlinghe;
Want so wat die joeght doet
Dunct quaet den ouden / al wert goet;

[p. 159]

 

Want alle yoye en̄ alle spel

 

Die hen inder joeght bevielen wel

 

Dunct hen nu al quaet ghedaen;

 

Want die joeght es hen vergaen.

640

Si vergheten dat sijs wilen plaghen

 

Oec in haren kinschen daghen;

 

En̄ oec om dat die jonghe blijft

 

In sijure joeght en̄ die verdrijft /

 

So es den ouden altoes ieghen

645

So wat die jonghe pleghen.

 

Hier bi dunct den ouden das

 

Dat tfolc wilen beter was.