Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 153]
| |
En̄ dat van Christus herweert
Tfolc emmer beter weerdt
Int ghelove en̄ in weldaden.
465[regelnummer]
Nu segt / dat u God berade /
Waer bi so dunct u des
Dat tfolc so zere ghebetert es?
Wouter / wildijt versinnen /
Sone mach men niet bat bekinnen
470[regelnummer]
Den mensche dan aen sine werken.
Men siet tfolc bat gaen ter kerken
En̄ te sermone daghelijx nu
Dant noyt dede / dat segghic u /
En̄ ten aflaet wert lopen /
475[regelnummer]
En̄ oec missen horen met hopen /
En bringhen haer offerande
Met devotien tspriesters hande
Dant hier voermaels ye ghedede.
Aelmoessen gheeft men oec mede
480[regelnummer]
In allen steden wel ter core /
In kerken / ter straten en̄ ter dore /
En̄ kerken in elke stat
Sietmen versieren en̄ maken bat /
En̄ capellen en̄ nuwe outare
485[regelnummer]
Siet men fonderen hier en̄ daer;
Nuwe gasthuse en̄ capellen
Machmen in lanc so meer tellen
Beyde in dorpen en̄ in steden /
Dit duncken mi al salighe seden.
490[regelnummer]
Tfolc en was nie so wel beset
Bende int ghelove en̄ in die wet
Alst heden es op desen dach /
| |
[pagina 154]
| |
Danc hebbe God diet al vermach.
Wat eest / Wouter / dat ghi meent?
495[regelnummer]
Tfolc borght nu bat en̄ leent
Deen den anbren / gheloves mie /
Dant hier vormaels dede ye.
Ic sie tfolc poghen over al
Hoet hem met eren gheneren sal
500[regelnummer]
En̄ zere sorghen om sijn scouden /
En̄ hoet ghelove en̄ ere sal behouden.
Die ionghe scamen hen vele meer
Dan si daden wilen eer;
Want daden nu die ionghe
505[regelnummer]
In haren yrsten spronghe
Dat si wilen eer daden /
Men soudse blenden en̄ raden;
En̄ alst den volke so staet
Dat te sinen inde wert gaet
510[regelnummer]
En̄ hem dunct dat sal sterven /
So gheedt vaste werven
Om biechten en̄ om tsakerment /
En̄ ordineert sijn testament /
En̄ sceedt van desen ertrike
515[regelnummer]
Wel ende salichlike.
Dit dunct mi een goet leven;
Maer in u es nijt so verheven/
En̄ heeft u en̄ dandre so verblent
Dat ghi des niet en kent /
520[regelnummer]
En̄ doghet en̄ weldaet so versmoeret /
Maer tsfolx quaetheyt trecti voert /
En̄ die versegdi eest yemans lachter;
Maer die doghet lati achter /
| |
[pagina 155]
| |
Dat al toe bringht niderheyde /
525[regelnummer]
Also ic u hier vore seyde.
|
|