Nederlandsche gedichten uit de veertiende eeuw van Jan van Boendale, Hein van Aken e.a.

Exemple int Nuwe Testament. C. IV.

NU alst Gode dochte tijt
(Wies name si ghebenedijt)
Dat sijn hantghewerke na en̄ voren
Alte male soude bliven verloren
En̄ sijns vergheten hadde algader /
Ontfermes den hemelschen Vader
En̄ woude des maken een inde /
So dat hi sinen Sone sinde
Hier neder om te keerne
Donghelove en̄ te leerne
Den wech ter ewigher salichede /
Daer men te hemelrike comt mede.
Dat was Christus / in waerre dinc /
Die menschelike vorme ontfinc
In Marien der maghet pure
Ieghen loep der naturen.
Dese ghinc predeken openbaer
Dat ghelove al sine iaer /
En̄ leerde die salighe ghebode
Daer men mede comt te Gode /
Die ons noch sijn bleven

[p. 152]

435

In d Ewangelien bescreven /

 

Die so fray sijn en̄ so goet

 

Datter Christus voer storte sijn bloet /

 

En̄ aen enen cruce starf

 

Daer hi de macht des viants met verdars /

440

En̄ die helle scoerde mede

 

En̄ hemelrike ontdede;

 

Namaels sine Apostelen sande

 

Predeken van lande te lande /

 

Die den wech leerden te hemelrike

445

En̄ tfolc bekeerden vromelike;

 

En̄ ye seder in alre tijt

 

Es dat kersten volc ghedijt

 

En̄ ghebetert spade en̄ vroe /

 

En̄ nemt in lanc so meer toe

450

Int ghelove en̄ in weldaet;

 

En̄ also langhe als ertrijc staet

 

Salt kersten volc beterende sijn /

 

Aldus es tghelove mijn.

 

Ia / Heydene en̄ Ioden mede

455

Selen noch vallen aen kerstenhede /

 

En̄ sal een herde en̄ een coye wesen /

 

Aldus hebbic ghelesen.