Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 79]
| |
Der meester raet van Surgyen
Selen wi der waerheyt lyen /
Dien was gherecht ende goet.
2165[regelnummer]
Want te haren ambacht / des sijt vroet /
Behoert wel dat si nieman en haten /
Maer dat si allen lieden baten.
Leent hen oec mildelijc
Van uwen goede / ghi sijt rijc /
2170[regelnummer]
So dat si met willen claer
Tuwer dochter nemen waer /
So dat si mach in corter stont
Mids Gods hulpe werden gesont.
En̄ volget nu den rade mijn:
2175[regelnummer]
Al eest dat si u vriende sijn /
Nochtan suldi hem doen goet /
Hets dicke geseyt en̄ noch doet
Dat medicine in haren sin
Vore vrienscap setten hare ghewin;
2180[regelnummer]
En̄ also van visikers met
En̄ van phylosophen / dat wet /
Die gherne nemen dat ghewin;
Want haer nature hevet in /
Die u alle alleens rieden
2185[regelnummer]
Al volghedi dwasen lieden.
Nu willic van u weten saen
Hoe ghi dat woert hebt verstaen
Dat u die dwase spraken toe /
In wat manieren ende hoe
2190[regelnummer]
Men contrarie / na haer spreken /
Met contrarien soude breken.
Melibeus antworde saen:
| |
[pagina 80]
| |
Aldus hebbict verstaen
Dat ic tonrecht dat si mi daden
2195[regelnummer]
Te haren scanden ende scaden /
Wreken soude / en̄ in desen
Dunct mi so waer ic ghenesen.
Prudentia antworde dan:
Lichtelijc gheloeft die man
2200[regelnummer]
Der dinc daerne sijn sin toe staet.
Here Melibeus / dat verstaet /
Dat woert en versta ic niet alsoe
Maer ic segghe aldus daer toe:
Dat quade / wats ghesciet /
2205[regelnummer]
En es des quaets contrarie niet /
Noch onrecht des onrechts wet /
Noch contrarie der contrarien met /
Want dese sijn ghelijc
En̄ meerderen daghelijc:
2210[regelnummer]
Dese en minderen niet een bast
Maere elc in hem selven wast.
Maer aldus hebbict in moede:
Quaet es contrarie van goede /
Orloghe van payse mede /
2215[regelnummer]
Discoert en̄ eendrachtichede /
Daer toe hitte en̄ coude /
Deser exemplen men u soude
Tonen sonder enech ghetal.
Maer wetti hoe ment verstaen sal /
2220[regelnummer]
Men moet verdriven dat quaet /
Al met dogheden dat verstaet /
Met payse dat orloghe voert
En̄ met acorde dat discoert.
| |
[pagina 81]
| |
Dit sijn contrarien alse men vint
2225[regelnummer]
Daer men contrarie mede verwint.
Daer bi sprect Sinte Paulus
Toten Romeynen aldus:
Ghine sult in ghenen sinnen
Den quaden u laten verwinnen;
2230[regelnummer]
Maer ghi sult / alsic u rade /
Met dogheden verwinnen die quadeGa naar voetnoot1.
Paulus die seyt noch mede:
Altoes soect pays en̄ vrede/
En̄ en loent / vroech en̄ spade /
2235[regelnummer]
Niemans quaet met quadeGa naar voetnoot2.
Maer met allen lieden sijt
Vreedsam in alder tijt.
Waer onvrede es en̄ werre
Daer es God herde verre;
2240[regelnummer]
En̄ daers hem God niet onderwint
Daer es den orbore al gheschint.
|