Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
AuteursrechtvrijHoe Melibeus sine vriende ontboet, en̄de wat rade dat si hem gaven. Cap. III.MElibeus antwerde doe:
Hets recht dat ghi mi segt toe;
Maer mijn sin es so bestaen
230[regelnummer]
Dat ic en weet wat ane gaen:
Soe groet es mijn droefhede.
Die vrouwe antwerde en̄ sede:
Ontbiedt u vriende en̄ u maghe /
Daer toe en sijt niet traghe;
235[regelnummer]
Vraghet hen raet / dats goet.
Dat si u raden / dat doet /
Dat ghi na en moghet seggen niet
Dat ic jeghen u eere riet.
Salomon seghet die wise man:
240[regelnummer]
Die alle dinc doen can
Met rade / hem en berouwes nietGa naar voetnoot3.
Alse Melibeus dit siet /
| |
[pagina 11]
| |
Heeft hi ontboden op die stede
Alle sine vriende en̄ maghe mede /
245[regelnummer]
En̄ hadde een groet volc te samen.
Onder die welke mede quamen
Philosophen ende medicinen.
Andere clerken ende Surginen.
Gheburen jonghe en̄ oude
250[regelnummer]
Quamen daer menechfoude;
Som om dat sine ontsagen mere
Dan om sine minne of om sijn ere.
Doen hi volx hadde een grote scare
Vertrac hi hen al openbare
255[regelnummer]
Hoe die dinc was ghevallen
En̄ bat vriendelike hen allen
Dat si hem gherieden hier toe /
In wat manieren ende hoe
Hi hier mede varen soude /
260[regelnummer]
Want hijt emmer wreken woude.
‘Doen stont op te hant mettien
Een meester / een Surgien;
En̄ sprac met rade der partyen /
Die hoerden ter Surgyen:
265[regelnummer]
‘Dambacht van Surgyen heeft inne
Sulke goedertierenheit van binnen
Dat het nieman en wille deren
Maer hulpen hen allen dies begheren.
Het valt dicke dat lieden die striden /
270[regelnummer]
Ghequetst werden in beyde siden /
En̄ een meester te hen beyden
| |
[pagina 12]
| |
En̄ helpt hen met sire wijsheyden
Even ghelijc / spade en̄ vroe.
Daer om en hoert ons niet toe
275[regelnummer]
Dat wi raden in eneghe sake
Ten orloghe of ter wrake.
Al es u dochter ghequetst swaer /
Wi willen daer toe nemen waer
En̄ ghenesense na onse macht
280[regelnummer]
Metter hulpen vander Gods cracht.
Anders en raden wi niet daer toe.’
Een medicyn stont op doe
En̄ sprac met rade twaren
Der visikers die daer waren /
285[regelnummer]
Ghelijc dat dandere hadden ghesproken;
Maer hine woude raden no stoken
Ten orloghe / wien lief of leet:
Maer sine consten waren ghereet
Sijnre dochter te staen bi.
290[regelnummer]
Een woert so sprar hi:
In onsen boeken men leest
Dat contrarie contrarie gheneest
Also machnen orloghe en̄ wrake
Ghenesen met sulker sake.
295[regelnummer]
Nu was daer volc menigherande
Beyde gheburen en̄ oec viande
Die tsire gratien wouden comen /
Die dese dinc hadden vernomen /
| |
[pagina 13]
| |
En̄ oec smekers en̄ knechten mede
300[regelnummer]
Die alle toenden droefhede /
In hare ghelaet / in haer maniere;
Die alle gader rieden sciere
Ter wraken wert haren here /
En̄ prijsden Melibeus sere
305[regelnummer]
Dat hi mechtech waer en̄ rike /
En̄ van maghen sonder ghelike /
En̄ van vrienden sonder ghetal
Die hem souden hulpen al.
En̄ dat sine wedersaken twaren
310[regelnummer]
Gheboren wel noch rike en waren /
En̄ dat si niet en waren gheacht
Ieghen sine grote cracht.
|