Psalmen, lof-sangen, ende geestelike liedekens

[p. XLI]

Reverendo, Piè docto, doctèque Pio

D. Wilhelmo Sluytero, Psalmos suos & hymnos, & cantiones Spirituales edenti.

SAt nugis, Venerique datum, philtrisque juventus

Lusit, & exarsit luxuriosa cohors.

Cedite lascivi post haec oracla catelli,

lte Dionaei turba petulca chori.

Cedite mellifluo, Parnaßia numina, vati,

Hîc melior Cyrrhae, hîc pars Heliconis erit.

Moverit Amphion lapides, petrasque canendo,

Saxea Sluyterus corda canendo domat.

Quid quercus, fagosque Trahis? seu fluminis, Orpheu,

Quid rapidos cursus detinuiße juvat?

Det scopulis aures, dociles & fabula sensus

Frondibus, & Citharam luridus orcus amet.

Hîc Furiae pallent, hîc gressum sistit Erinnys,

Nullaque, quae mala sunt, gaudia mentis alit.

Hîc metus, & dolor, & livor, tristisque senectus

Occidit, & petulans ingeniosus amor.

Sic decuit vatem, sic cantillare juventam,

Ut pretium metri Davidis umbra foret.

Ponebat

Lamb: à Ryswyk.

V.D.M. in Haxbergen.