Psalmen, lof-sangen, ende geestelike liedekens

[p. XXXVII]

In sacros metro-rhytmos

Reverendi, pietate & doctrinâ insigniti vi[...]i, D. Willhelmi Sluteri, Pastoris Ecclesiae, quae Christo Eybergis colligitur, fidelissimi, Elegidion.

LUdere carminibus visa est grandaeva vetustas;

Luserunt metrico Naso Maroque stylo.

Pindarus & Sophocles, & vatum lumen, Homerus,

Et Thamyras dectis praecinuëre modis.

Non etiam est sanctâ peregrina in lege poësis,

Sacra vel in sacro codice metra latent.

Cernis ibi Deboram modulari, cernis Asaphum,

Inde David, Salomon, hinc leremeja canunt.

Adde, quod ipsa priùs sit nata poësis Hebraeo

Mosi, qui rubrum per mare fecit iter;

Quàm vel Carmentae, vel Homeri carmina vidit

Turba profana, Deûm numina falsa colens.

Sic voluere suae vel idonea dicere genti,

Vel mentem suavi laetificare sono.

Sic miscere sacros videas dulci utile Mystas,

Et dare commißo dogmata grata gregi.

Tuque aperis Slutere sacra haec myrothecia, rhytmos

Unde sacros tua jam labra rigata pluunt:

[p. XXXVIII]

 

Queîs crebrò temet, crebriùs pia corda bonorum

 

Suaviùs afficiens ritè movere soles.

 

Turpibus haud puduit priscos temerare papyrum,

 

Tectoraque obscoenâ contaminare chely.

 

Nulla canis nobis lasciva aut ludicra vates,

 

His, Slutere, labra hîc clausa pudica tenes.

 

Tantùm sacra canis, mentem erudientia, amantem

 

Sacrorum variis aedificando modis.

 

Non pauci hymnorum grata dulcedme capti,

 

Maturè praelo subjiciantur, avent.

 

Quique haec scripta petunt à posteritate videri,

 

In ratione sua non leve pondus habent.

 

Hîc est quod sapiat legere aut cantare perito,

 

Doctus sive rudis, foemina masve siet,

 

Erudit inscitum, petulantem haec ordinat oda,

 

Tristia laetitiae pectora rore rigat.

 

Sicque ex Psalmo, Hymno, Cantu aedificatus, & ipse

 

Ritè potest alios aedificare liber.

 

Laetificanda quidem mens est has moesta per odas,

 

Prava tamen simul est lethificanda caro.

 

Quae tibi posteritas persolvet praemia, vates,

 

Quod canis & canere hîc tot bona labra facis?

 

Et Slutere canes ubi clauseris ora diemque,

 

Hîc & ubi Angelicum dulce poëma sonat.

 

Hunc commendo tibi thesaurum, hoc utere, lector;

 

Magna sub hoc parvo codice gaza latet.