Een nieuw sangh-boeck, iuhoudende eenighe psalmen
(1650)–J. Sent–
AuteursrechtvrijNae de wijse: wel hem die in Godts vreese staet.
OCh Broeders ende susters fijn
Die hier soo lieffelijck vergadert syn
Wilt Godt van herten vresen
Soo wort u ziele ghenesen
2. Wy souden gheerne wesen genaemt
Godts kinderen soo 't oock wel betaemt
Soo moeten wy hoort nae desen
Altijdt ghehoorsaem wesen
3. Laet ons doch hier acht opslaen
| |
[pagina 104]
| |
Om in Gods wegen voort te gaen
Den hongherighen altijt spijsen
En altijt deughde bewijse.
4. Wy moeten altijt neerstich syn
Om in de goede wercken die meeste te syn
Och laet ons hier nae trachten
Ons voor geveynstheyt wachten.
5. Die name mach doch gelden niet
Och lieve broeders waer ghy zijdt
Oft wy ons veel beroemen
Doet boete sonder schromen.
6. En hout u selven niet voor wijs
Maer soeckt altijdt des Heeren prijs
Wilt den swacken altijt verdragen
En u selven niet behaghen.
7. En laet ons niet hooch-roemich syn
Och lieve broeders waer wy zijn
| |
[pagina 105]
| |
Malcander niet achterhalen
Maer het quaet met goet betalen.
8. Al roemen wy ons wy zijnt alleyn
Het is daer niet in plegen pleyn
Christus sal soo wy hooren
Nae onse wercken spooren.
9. Die vaste gront Gods blijft altijdt staen
Gelijck ons Paulus doet vermaen
Wilt daer alijt by u blyven
Al soudmen u verdryven.
10. En laet ons op ons selven sien
Och lieve vrienden waer wy syn
Ons selven neerstich bewaren
Een ander niet beswaren
11. Och vrienden neemt in danck dit Liedt
Vyt rechter liefden ist geschiet
Laet ons malcander gedencken
In onse gebeden sonder mencken.
|
|