Een nieuw sangh-boeck, iuhoudende eenighe psalmen
(1650)–J. Sent–
Auteursrechtvrij
[pagina 99]
| |
Nae de wijse: Waeckt op ghy Christen alle.
KNechten Christi bequame
Hout vromelijck die wacht
Die draeght alsulcken name
En hebbet daer op acht
Dat het mach wesen claerlijck
T'houden die wacht seer coen
Al valtet dickwils swaerlijck
Treckt dan doch aen de schoen.
2. Recht isser een stad seer schone
Vol kostelijck ghewaet
Met Gout Peerlen ten toone
Wie daer nu heenen gaet
Om hem recht te bewaecken
Wilt u op schorten al
Stocken in d' handen raecken
| |
[pagina 100]
| |
Vrymoedich over al.
3. Ick ben seer onbequame,
Dat ick u schrijven soud
Van sulcken stadt eersame
Daer d' straten syn van goudt
Hoe moeten sy bereyt wesen
Die op die mueren staen
Om wacht houden in desen
Die stadt seer hoogh genaemt.
4. Nu is die stadt noch meerders
Alsmen beschrijven can
Och Wachters ende Herders
Siet nu toe over al
Daer is veel van gheschreven
Van de Vyanden groot
Zy moeten syn verdreven
Al quammet tot den doodt.
5. Al schrijven wy van wachters
Die op die mueren staen
En in die poorten crachtich
Met harnas aenghedaen
| |
[pagina 101]
| |
Soo moeten oock by desen
De borghers al ghelijck
Oock wel ghewapent wesen,
En nemen gheenen wijck.
6. Want zijn die borghers flouwe
En maecken groot getier,
Zy maeckten groote rouwe
Voor die staen op de muer
Met vreesen en met beven
Zijn die Wachters belaen,
En sorghen al voor sneven,
Maer troosten wijf en man.
7. De dienaers syn so moedich
En Leeraers wel gherust
Dat de stadt overvloedigh
Daer sy waken met lust
Dat die wel wort gebouwet,
Van werck-lieden ghenaemt
Van steenen fraey ghehouwen
By malcanderen versaemt.
8. Rechte Wachters bequame,
| |
[pagina 102]
| |
Syn wy van nooden seer,
Ellendich en eensame,
Sijnde swack ende teer
Wy syn soo haest verslagen
Men loopt al nae de wacht
Maer laet ons met haer wagen
En maeckens niet versaecht.
9. Die haer wacht houden coene
Sonder sweert of gheweer,
Met t' sweert des geest ten toone
Te draghen nae en veer
Dat zijn de rechte Herders,
Al voor de schapen al,
Maer d' schapen oock van weerden,
Sijn ghehoorsaem over al.
10. Siet Broeders in den Heeren
Al is dit hier ghestelt,
Niet dat ick u wil leeren
Maer dat wy houden t' Velt
Och neemt het my ten goeden
Ick wensch u Godes vree,
| |
[pagina 103]
| |
En dat ghy wel meucht voeden
En comen in s' Hemels stee.
|
|