Een nieuw sangh-boeck, iuhoudende eenighe psalmen

Den 8. Psalm.

ONse God ende Heer seer hooch ghepresen
Hoe heerlijc moet doch uwen name wesen
Over d'aertrijc streckt u heerlijcheyt schoon,
Ja wijder dan daer gaet des hemels troon.

[p. 6]

 

2 Men siet alsins uwer kracht veel ghetuyghen,

 

Selfs in den mont der kinderen die suyghen

 

Daer door maeckt gy tot niet ende beschamet

 

V vyanden, door u kracht seer vernaemt.

 

3. Maer als ic wil aensien ende bemercken

 

De Hemelen, Heer uwer handen wercken

 

De Sterren, de mane die ghy door 't woort

 

Maeckt ende stelt een yeder op syn oort.

 

4. Als dan spreeck ick by my verwondert seere:

 

Wat is doch van den armen Mensch, o Heere,

 

Dat ghy zijner alsoo ghedachtich zijt,

 

Ende over hem sorghe draecht 't aller tijt.

 

 

 

5. Ghy maeckt hem dat hy God schier sy ghelijcke,

 

Want gy maect hem overvloedich end' rijcke

 

Van heerlijckheydt die doch naeckt is ende bloot

 

Gy maeckt hem vol met veel goederen groot.

[p. 7]

 

6. Ghy laet hem zijn over 't werck uwer handen,

 

Als een Heer der selven in allen landen,

 

Sonder wtnemen alles int ghemeen,

 

Hebt ghy hem onderdaen gemaeckt met een.

 

7. Ossen schapen haer wolle ind' haer vellen,

 

Die ghy op de berghen voet sonder quellen:

 

Ende op dat velt weyden doet over al,

 

In bosschen bergen ende in menich dal.

 

8. Die vlieghende voghelen die wel singen

 

Die visschen des meers ende ooc alle dingen

 

Dien ghy haer wesen ende den Adem geeft

 

Maeckt ghy hem onderdaen ja al dat leeft

 

9. O onse Godt ende Heer seer hooch ghepresen,

 

Ten rechten moet uwen Naem heerlijck wesen

 

Vwes naems heerlijckheyt in overvloet,

 

Sterckt veel wijder dan den aerdt-bodem doet.