Emblemata

Ad Incomparabilem virum Dominicum Bavdivm I.C. & Historiarum quondam Professorem, cum Civilis & Moralis sapientiae Monita, Lugduni Batavorum ederet.

Ode.

Qvalis minister fulminis ignei
Ales,Tonantis perpetuus comes,

Coelos anhelans puriores;

Spernit humum fugiente pennâ:

Cunctasque post se deferit alites,
Non sustinentes lumina Cynthij,

Quae ferre jam curâ paternâ

Condidicit teneris ab annis:

Talis, perustus Baudius igneo
Calore pectus, evolat altius,

Supràque mortales caducos

Exerit ingenij vigorem.

Sic magnus olim Flaccus in aethera
Rupit, potenti numine concitus,

Sic semper ad laudem, decusque

Evehitur generosa virtus.

[p. 230]

 

Tritas popello currere semitas

 

Spernens, viarum diligit aspera,

 

Hic collocata scit laborum

 

Praemia, perpetuaeque curae.

 

Sic perge Baudi, propositum preme,

 

Nil Momus in te, nil tua tempora

 

Ingrata vivis, invidorum

 

Nil streperi poterunt susurri.

 

Virtus Pyropo lucidior, sibi

 

Vult invideri, quoque magis furis

 

Gens noctuarum, fulgurantes

 

Hoc magis ciaculatur ignes.

 

Vt suber undis usque supernatat,

 

Mergi repugnans: sic tua gloria

 

Injuriosà mole pressa,

 

Alcius evolitabit ales.

 

Tu posterorum laudis adorea

 

Recens vigebis, immerito mori

 

Coelum recludetur, nitensque

 

In medio statuêre Vatum.